غريق شفني ببحر الحب وش يعني = ما مت باقي شهاب ولاانطفى ضوّي
أغوص باعماقه الزرقـا ويتبعنـي = كف مخضب بكاس الخوف متروي
ياهيه صوّت له ياهيه بس دعنـي = توّي تراني بعد يا مهجتـي تـوّي
مازلت للريح ضامي لو تودّعنـي = نفسي . وراها بسير وبالتحف نوّي
للموت ساعة ونا للموت يزرعنـي = حب سقيته ظمى شريـان متلـوي
بوزعك غصب ولاّ غصب وزعني = يا صاحبي دام جوك غير عن جوي
وللموج ناديت من شفتـه يدلّعنـي = سوي مثل ماتبي في خافقي سـوي
سعيد الثقفي
.
.
.