المواد اللي كنت احبها
النحو والادب والأحياء واللي حببني فيها أكثر معلمة الماده
من المواقف اللي خلتني احب مادة النحو كنت في المرحله الثانويه وكان عندنا بالفصل ثلاث بنات مشاغبات وكانت الأبله اذا دخلت يجلسون يتكلمون مع بعض وماينتبهون للشرح
قالت لازم وحده منكم تغير مكانها ماتجلسون سوا وانا طبعا البنت المؤدبه الشاطره هههههه حطت عينها علي وقالت وش رايك تغيرين مكانك وتجي وحده منهم تصير بمكانك بس في حصة النحو
انا قلت خلاص وغيرت مكاني الصراحه الوضع ماعجبني هم جالسين ورا وانا متعوده مكاني قدام >> من الشطااااره جاء اليوم الثاني ماغيرت مكاني دخلت الأبله قالت ياللا غيرو مكانكم قبل نبدأ الشرح انا في مكاني ماقمت قعدت تطالعني وساكته و طلعت وماشرحت قامو البنات يترجوني قلت ماني مغيره مكاني تبي تشرح ولا ماتشرح كيفها جاء اليوم اللي بعده نفس الطريقه قالت غيري مكانك وانا ماقمت هي فهمتها وبعدين قامت تشرح عادي وانا مو مثل اول أشارك وهي تاركتني بعدين قلت في نفسي ليه مااشارك تروح علي درجات وقمت اشارك واول ماارفع يدي علطووول تقومني ومازعلت علي بالعكس كانت تبتسم وحبوبه وحبيت الماده من اسلوب المعلمه
من المواد اللي ماأحبها التاريخ اللي كرهني فيه مدرسة الماده كانت صعبه والبلاغه ماحبيته لانه معقد والكيمياء
في موقف ثاني حصلي كنت بالمرحله المتوسطه وكانت جنبي زميلتي حبوبه وطيوبه الله يذكرها بالخير دخلت علينا مدرسة الجغرافيا كانت زميلتي تقولي نكته انا اقولها اسكتي جت المدرسه قالت النكته وماضحكت فيها طبع انها تقول النكته وماتضحك لكن اللي يسمعها يموووت ضحك المهم شافتني المدرسه ميته ضحك عجزت امسك نفسي قالت وش يضحكك قومي اطلعي برا و انا هاديه ومو من طبعي الضحك بالحصه قمت طلعت برااا ووقفت عند الباب مدة الحصه انتهت الحصه وطلعت المدرسه وانا دخلت الفصل ومن القهر طحت وبكييت قامو البنات يهدوني وكرهت حصة الجغرافيا ومعلمة الماده بس ماكرهت الماده
أخوي عبد الله الصراحه ذكرتنا بذكريات حلووه يعطيك العافيه على موضوعك مدري أحس اني طولت
![نقره لعرض الصورة في صفحة مستقلة](images/smilies/smsm/smiley.gif)
دمت بخير وصحه