[عبدالله 12 ●]

المشاركة الأصلية كتبت بواسطة wafei

قهوتي ياطويل العمر اسمها " قهوة ابو صالح " وآخذها كل صباح وانا رايح المكتب

من كشك البيت في كوب صين ابيض اللون

خالي من الشخاميط والرسومات والصور


هيا عاد

سوينا لك دعاية مجانية ياابو صالح الله يرزقك ويرزق من تسبب فيها



...

الله يخلي لنا أبو صالح ويطول بعمره،
وبالعافية عليك يا أستاذي.

تذكرت اليوم زميل لي كان هو وإخوانه الثلاثة في مراكز طيبة في الدولة،
يقول الساعة 5 عصراً تلاقينا أربعتنا جايين من بيوتنا، ومتنحين عند
والدتنا علشان يشربون شاهيها،
يقول لي، لو شفت أبريقها مرمي في الشارع ما تعطيك نفسك تشيله من كثر التطعيجات اللي فيه،
لكن أنا وأخواني إذا ما شربنا منه يومياً تجينا أعراض انسحابية مثل حقين المخدرات.

الشاي والقهوة أمزجة، ولكن أعتقد بأن الجلسة والناس لهم دور في محبتها،

يا محلا الفنجال مع سجة البال ..... في مجلس ما فيه نفس ثقيلة