اخوي ابو الريم شكرا لردك
بصراحه اعجبني رايك مقنع ولا يختلف عليه اثنين
بس اسمح لي بملاحظه صغيره
احنا هنا نتكلم وكان الفتاة السعوديه قبيحه وينقصها الجمال
لا اخي والف لا
فالفتاة السعوديه بالاضافه لجمال الدين والروح
فنسبه كبيره من السعوديات يتمتعن بخلقه حسنه
وكثير من الاتي اعرفهن جميلات ولله الحمد
يعني ماللشباب اي عذر بالنسبه للجمال
اختي شوق شكرا لردك وان كنت لا اتفق معك
فانا وعلى حسب علمي على الاقل من الناس اللي اعرفهم وزواجاتهم
انهم ناس قنوعين يعني اعرف كثير ما طلبوا غير مهر 50%
وزواج عائلي بسيط ولا سافروا برا ولا شي
يعني ما نعمم وهالفتيات بعد جميلات ولله الحمد وماعليهم قاصر
عزيزتي انتي فهمتي ردي عليك بالخطاء
انتي طلبتي في موضوعك السبب وراء زواج البعض من السوريات والمغربيات فرديت عليك بالسبب ولو سالتي عن المبداء او رايي بالموضوع هل ساقدم عليه ام لا لاجبتك اجابه اخرى!!
وهي اني سعودي الجنسيه ولاارغب الا ببنت بلدي مسلمه متمسكه بديني وعاداتي وتقاليدي ولن اسمح لنفسي ان اتزوج غير بنت بلدي ولو انتهت البنات السعوديات من العالم لااضن ان هناك أي بنت من أي دوله بالعالم تستحق ان تكون زوجه لي
فرايي لاارغب الا بالسعوديه زوجه لي ولو كانت كلها عيوب وليست جميله المنظر فجمال المنضر سيزول لامحاله بعد مرور السنون
ولكن تضل العادات والتقاليد والدين وجمال تبقى ببنت بلدي وهي الاهم عندي انا..
ولكن يعاب علي السعوديه التكاليف الباهضه للزواج فيذهب سنوات من عمر الشاب لتسديد الديون والاقساط ولو تم تخفيضها لن يخرج أي شخص للخارج
هذا رايي واتمني ان يتم فهمه,,,
اخوي خالد شكرا لتعقيبك ومتابعتك للموضوع
انا فاهمتك من اول
بس قلت الشباب يقرون ردك ويصدقون ويروحون يعرسون من اجنبيات :D :D :D
فقلت اوضح لهم خطأ هالاسباب وانها اقبح من ذنب
اما بالنسبه للتكاليف فهذي اتفق معك فيها وانا ذكرت ذلك من البدايه
ولكن يا اخي كل شي لا يمكن تعميمه وان كان الاغلبيه في ذلك كما قلت
ولكن هناك الكثير من العوائل السعوديه الذين يزوجون بناتهم طمعا بالرجل المحافظ على دينه ويرضون اخلاقه
وهؤلاء لا يطلبون الكثير من التكاليف
شوفوا يا جماعة .. أنا أقووول النسبة بسيطة وليست كبيرة زي ما أنتم مكبرين الموضوع ..
يعني بصراحة أغلب اللي يتزوجون من برى إما إنهم شيون مرة ولا أحد رضي فيهم .. أو مسوي له مصيبة من أول ولا أحد راضي يزوجة .. والا شايب .. والا زوجة ثانية ....... الخ
وبعدين أصلا الداخلية ما تسمح الا في حدود ضيقة ....
خذوا هذي القصة ... على ذمة راويها اللي قال لي .. وانا احلف عنه انه ما يكذب .. شيخ ..
يقووول واحد من جماعتهم كبير في السن ومعه أولاد كبار (رجال يعني ) المهم ذا الشايب كل ما قدم على الداخلية يبي موافقة للزواج من سوريا .. ما انتهت .. ... حاول أكثر من مرة ..
وبعد سنة أكتشف إن واحد من أولادة الكبار يعرف ناس بالداخلية ويوقفون أوراق الشايب . ( يعني بالبلدي : قعد للشايب ما يبية يتزوج ) ..
اش سوى هالشايب ... قص جواز سفر وأضاف العجوز معاه .. وسافر سوريا .. وتزوج واحده سورية ... وبعدين خلى العجوز في فندق هناك ووصى عليها .. وأخذ صورة زوجته الجديدة وحطها محل صورة العجوز .. هاهاهاها وجابها السعودية .. وبعدبن راح لولدة الكبير وقال له .. خذ العنوان ورح جب أمك من سوريا .... هاهاهاهاهاهاهاها
شوفوا ياجماعة والله العظيم إن هذا كلام الرجال اللي قال لنا ... وهذا الرجال مشهود له بالخير ولا يكذب أبد .. بصراحة أنا بغيت أسألة وشلون ما شافوا الختم .. و ... و.... بس إستحيت من الرجال ..... لكن الأكيد إن الشايب حتى لو أكتشفوه بيمشونها له .
طيب أنا شكلي خرجت عن الموضوع ... لكن بأرجع وأقووول : بنت البلد ولا غيرها .
اخوي ساسا
هلا فيك وشكرا لتعقيبك
بصراحه اعجبني كلامك وانا اقول فعلا ان النسبه الكبيره من اللي يتزوجون من خارج البلد هم
كبار السن ولكن اللي يقهرني هاللي المتزوجين وعندهم مبزره ملي بيوتهم
ومع هذا يعرسون من برا الله يهديهم
واكثر ما اعجبني اخوي في ردك الكلام اللي ذكرته بالاخير عن ضياع الكثير من فتياتنا
بزيف الحظاره ووهمها
الله يهديهم بس ويهدينا ويحفظ بنات المسلمين من زيف الحريه وسرابها