\
بالواتس اتابعك . وش حالتك . وآخر ظهور
...................... واتذكر اللي قبل لحظات منك بدر
وغدى السهر للمحاجر مثل نقطة عبور
.................... وساعات ليلي مضن عني وضاعن هدر
الصدر ضايق بفعل مضيقين الصدور
.................... زفرة وتنهيدة وآهه تشق الصدر
وبركان خامد بصدري ياعسى مايثور
.................... من شان حشمتك ياللي لك مقام وقدر
واقول مسموح واصبر والليالي تدور
.................... وتعلمك ياعزيزي عن طعون الغدر
وتعلمك صاحبك " دامه ذهب مايبور "
................... لو سعره بسوقك اتلا الوقت صاير حدر
وتعلمك كيف ناس يضيقون الصدور
................... وتشوف ! تقدر تنام وفيك ضيقة صدر !
" وليدة تالي الليل "
\
صباحكم سهر
\