يقول رشيد الزلامي
.
يا اللي تلوم الوقت وش ذنبه الوقت
يخطي ردي العرف / ويلوم وقته
غيرك عرب ذاقوا من الوقت ما ذقت
وانت السبب في ما حصلك وذقته
العام يوم انصحك من كلمتي ضقت
وهذي ( نتيجة دربك ) اللي عشقته
( غزوة مهنا ) اللي بها ما توفقت
مدري سبقك الخير / ولا سبقته
لا تحسب انك في سما الكون حلقت
( تبطي عظم ) واللي تبي ما لحقته
ما دام في حبل الرخامه تعلقت !
اطبخ جليس السوء واشرب مرقته
هذا الرفيق اللي بحبه توهقت
اللي مدحته / لين بشّت عرْقته
واليوم يوم انك عرفته وصدقت
العن ابليس ورجع اللي سرقته
.
.
.
وانا اقول
يسعد مساكم
الطرقي شكراً لك و سلمت يمينك وبيض الله وجهك
وصح لسان الشاعر رشيد الزلامي