مساكم خير ورضى
:
:
انا بشر اخطي ولانيب معصوم= طبع البشر من خلقة الدنيا كذا
يغويني الشيطان واستغفر واشوم= لكن قدم رجلي على الزله خذا
ياصاحبي لو لام غير لاتلوم = نفسٍ لحقها من عنا الدنيا آذا
انا حزامك لابدى وقت اللزوم= يوم الردي ساقه من الفزعه جذا
لاكبرت القاله وجا صفق الخشوم = عينن اداويها وعين ألها قذا
ياصاحبي لولا العوايد والسلوم= ماساق حاتم خيله لضيفه غذا
ولولا المراجل ماحدٍ ذم الرخوم= ولولا الفقر ماحدٍ من الضيقه هذا
ولولا العزيمه ماحدٍ ذب الرجوم=ولولا القدر ماحدٍ ذكر( لو واذا)
ولولا سدول الليل ماشفنا النجوم=والورد لولا الشوك ماجاله شذا
والطيب اللي يطمر كبار العقوم= وزلت رفيقه عنده ابسط ماخذا
اخطيت في حقك ولرضاك محكوم=والرابح اللي سلم جدانه حذا
حبة خشم والقدر ف الصدر محشوم=ولك من قصيدي قاف من (اوم) و(اذا)
اجنبك يانفس زلاتي واشوم= لكن قدم رجلي على الزله خذا
لأني بشر اخطي ولانيب معصوم= وطبع البشر من خلقة الدنيا كذا
:
صباح الخير والسرور
وانشراح الصدور
أختي شموع الغربيه
والانوار المضيئه
سلمت يمينكِ على نقل هذه القصيده التى كلها حكم وامثال
وصح لسان شاعرها وبيض الله وجهكِ ووجهه
وشكراً لسعادتكِ سيدتي
أنت غير مسجل في منتديات الوئام . للتسجيل الرجاء إضغط هنـا
رد: ورقــة الحـــضور 
