22 / 04 / 2005, 05 : 08 PM | #141 | |||||||
أسطورة الوئام
شكراً: 0
تم شكره 3 مرة في 3 مشاركة
|
يالله يا منزل تبـارك ويـا سيـن = عطفك ولطفك يا مديـر الـذواري البارحه عيا يجـي النـوم للعيـن = قضيت ليلي بيين فكـرن وطـاري علمن لفاني قسم القلـب قسمييـن = واصبحت من ذاك الخبر بي مواري جتني وقالت لي مع الصبح ماشين = هذا قرار الاهـل ماهـو قـراري يمكن نغيب امن البلد حول شهريين = وادخل علي الله لا تضيع مسـاري عطني يمينك واقسم الحيين هالحيين = انـك تكـون بغيبتـي بانتظـاري وانا مهوجس راكبتنـي الشياطيـن = مغير اطالع مـن يميـن ويسـاري مغير اقول لحضي الشين يا شيـن = اليامتـي وانتـه كـذا مـا اداري كنـي فقيـرن عذبتـه الديايـيـن = ماله مع اهل السوق بايع وشـاري ثم قلت يا بنت الاجاويـد تكفييـن = كفـي عيونـك لا تهـل العبـاري مستوطنه مثـل اليهـود بفلسطيـن = ولا نيب طالب منك فك الحصاري والله لابقالك علـي العهـد والديـن = واذكرك انا في ليـل ولا نهـاري ثم عانقتني وارجعت حول متريـن = وانا ضلوعي كن بها مـي نـاري قالت فمـان الله والصبـح ماشيـن = وانا بعد قفيت يـا ابـو مشـاري العـمـده |
|||||||
اللهم استرني فوق الارض و تحت الارض و يوم العرض
|
||||||||
22 / 04 / 2005, 09 : 08 PM | #142 | |||||||
أسطورة الوئام
شكراً: 0
تم شكره 3 مرة في 3 مشاركة
|
آخر سؤال لمن تمنيت قربه = سؤالٍ ايقظ في غموضه صدى الآه اجابته ضاعت بقلبٍ سخر به =وكتب علامات التعجب على شفاه قنعت عن خافيه باللي ظهر به = واللي خفى مااخفاه عني محياه ومات السؤال الحي في قلب غربة= ومهما الزمن يمحي فلا اظن يمحاه ياصاحبي ويحق لك تفتخر به =افرح واسيبك للزمن انت واياه لابد يوم الحب يبكيك حربه=والدمع يكتب لك سؤالي ويقراه وترجع غريبٍ تلعن خطاه دربه= ترجع غريب مثقل بذنبه خطاه ترجع عطش تبغى من الحب شربة= ومن فين ياحسرة !! وديرتك مظماه دام المطر ماصادف لطيب تربة= لاترتجيه ومـن زرع زرع يلقاه عزي لمن خله هواه استعر به=وسقاه مر الكاس يالينه ارواه عزالله انه قلب وافي ظفر به = ماهو بكيفه غصب ربي له اعطاه والروح مني قربت تنتحر به = والظاهر اني واحد من ضحاياه بالحب مؤمن مير خلي كفر به = ولاادري متى يؤمن ويدرك خطاياه ماعرفـش ياخلٍ تمنيت قربه = ماعرفش حاقة غير عزّاه عزّاه وافي |
|||||||
اللهم استرني فوق الارض و تحت الارض و يوم العرض
|
||||||||
22 / 04 / 2005, 22 : 08 PM | #143 | |||||||
أسطورة الوئام
شكراً: 0
تم شكره 3 مرة في 3 مشاركة
|
ولا قــصيــده مــا كـتــبت مــا كـتــبت ولا قـصــيـده = ودي اكـتبلـي قـصيـده وضاع وقـتـي مـا كتـبت طول ليلـي جالس اكـتب واشـطـب الـمـعنـى واعيـده = ثـم ارجـع مـن جـديـد واجـلـس اكـتب ثـم شطـبت وهـذي هــي حال الــقــوافـي دائمـاً مـعيــه عنيـده = لا بـغـيـت الـقـاف عـيـى وان بـغـانـي مـا رغـبت قلت ابنـخـى الـشـعـر يـفــزع خـابــره ذيـبٍ وليــده = لا نـخـيتـه مـا يـقـصر ويـامـا مـن بـحـره شـربت وانشـهــد انــه انتـخالي والأحـتـرامـه بــست ايــده = قـلـت اهــلاً يـا هــلابـك يـا حــبـيبـي ويـن غـبـت قال انـا مــوجـود حـاظـر بــس قــلـي مـا تـريـده = قلت ابـكتـبـلـي قـصيـده باللي روحـي لـه وهبت قال شاعـر قـلـت شاعـر وكـل شاعر لــه رصيـده = بــس عــيـت لا تــطـاوع هــل عـنـيــده وانـكبـت قال هـــيـا نـبـتـديــهـا بــس ابــغـاهــا فــريــده = قـلـتـلـه ابــشـر بــعـزك يــعـلـم الـلـه مــا طـلـبـت قال خــلـك هـــذا مــنهـو يــوم تـكـتبــه نـــشيــده = قلت اغلى مـن عـيـوني وهـام قـلبـي وفـيه ذبت قال ويـنـه قلـت ابـعـد وديــرتـه صـارت بــعــيـده = بـس انـا مـازلـت ابـحـث عـن حـبيبـي مـا تعبت قال انسى قلـت تكفـى جــرح قـلـبي لا تــزيـده = كيف انسى حب شخصٍ لو لمس هل جرح طبت قال تالي الحب فـرقـى وحالتـك صارت زهيـده = شـوف وجهـك بالمرايه وانت تدري وش كسبت قلت ادري مـا كـسبـت الا الـعــزايـر والنـكيــده = بـس قـلبي مـا يـطـاوع ولـو عـذلتـه ان عـطـبت الهوى والـحب حــكمـه وسنت اللـه فـي عـبيـده = وانــا مــانـي مـخـيـر لــو مــخـيـر مــا قـربـت قال ابمشي قـلـت تكـفـى طالبٍ مـنـك المزيـده = قـال ادري فـي خـيالك واسـعٍ وانـت انسكبت بس ابمشي قبل تالع داخل اضلـوعـي وقـيـده = لأنـي ادري بالـمـحـبه وانـت صادق مـا كذبت قلت ماشي قال ماشي قلتله فـرصـه سعـيـده = قال انـا اسـعـد بـس تكـفى لا تكرر ما طلبت وابتسم لـي ثـم قـفى قلت شـكراً عـل قصيـده = والتـفـت لـي وهـز راسه قـال ليتك مـا كتبت فزاع
ناصر المحمدي |
|||||||
اللهم استرني فوق الارض و تحت الارض و يوم العرض
|
||||||||
22 / 04 / 2005, 31 : 08 PM | #144 | |||||||
أسطورة الوئام
شكراً: 0
تم شكره 3 مرة في 3 مشاركة
|
جرحتني جرحٍ كبيرٍ وباين = جرحتني جرحٍ يمس الكرامه هنت الغلا كله وعيني تعاين = بعت الهوى وأقفيت تنعي حطامه هنت الغلا كله وأنا اليوم هاين = حبّك وقربك دون ايّة ندامه اصبحت في شرع المحبين خاين = غدرك تفشّى وإنكشف لي ظلامه ولاتحسبنّي وإن قسى الوقت لاين = لا والذي يحصي بعلمه أنامه أموت ولاأمشي مسلكٍ حيل شاين = وأموت ماسقت القدم للملامه أنت إبتعد عنّي وأنا اليوم زاين = حالي وأببشر بالسعد والسلامه إنسى غرامي ثم فكّر وعاين = شف موقعك وإرسم لحدّك علامه حدّي ورسمته وأصبح اليوم باين = ( يموت حب ولاتموت الكرامه ) مخاوي الجرح
محمد السبيعي |
|||||||
اللهم استرني فوق الارض و تحت الارض و يوم العرض
|
||||||||
22 / 04 / 2005, 55 : 08 PM | #145 | |||||||
سفير ماسي
شكراً: 0
تم شكره 0 مرة في 0 مشاركة
|
السلام عليكم ورحمة الله وبركاته
بسم الله الرحمن الرحيم العمده وافي فزاع مخاوي الجرح سديم الكون كل الشكر والتقدير |
|||||||
عجز عن الشكر فسكت
|
||||||||
22 / 04 / 2005, 40 : 11 PM | #146 | |||||||
مشرف عام
شكراً: 0
تم شكره مرة واحدة في مشاركة واحدة
|
الراااااااائعة سديم
تميز معهوووود وعطااااء بلا حدوووود لك مني اخيتي صااااادق التحايا |
|||||||
الغااااالي وااااافي
اقراك (حب ) ويخجلني حروفك =ياطيب الرفقه قليل الحلايا
اعيش معك اهات قلبك وخوفك =واحياك نبض ٍ بين حدب الحنايا إن غاب زولك سامرتني طيوفك =احيا بها ليل وقصيد وحكايا رغم العذاب ورغم قاسي ظروفك =منحتني حب ٍ غريب المزايا اسقيتني طعم الأمل من كفوفك =وانسيتني مر الألم والرزايا تقصر خطايه دون رد معروفك =لكن سامحني وكلي خطايا
|
||||||||
20 / 05 / 2005, 45 : 07 PM | #147 | |||||||
أسطورة الوئام
شكراً: 0
تم شكره 3 مرة في 3 مشاركة
|
وعليكم السلام ورحمة الله وبركاته
الله يعطيك العافيه .. سندنا .. وشكرا للمتابعه |
|||||||
اللهم استرني فوق الارض و تحت الارض و يوم العرض
|
||||||||
20 / 05 / 2005, 47 : 07 PM | #148 | |||||||
أسطورة الوئام
شكراً: 0
تم شكره 3 مرة في 3 مشاركة
|
الاروع حضورك ودعمك .. ابو رهف ..
شكرا للمتابعه |
|||||||
اللهم استرني فوق الارض و تحت الارض و يوم العرض
|
||||||||
20 / 05 / 2005, 07 : 08 PM | #149 | |||||||
أسطورة الوئام
شكراً: 0
تم شكره 3 مرة في 3 مشاركة
|
اغني مع الجني على ناي شيطان = وارقص االنجمه على صوت جني واعقد على الرقصه تماثيل دخان = واضحك مع الجمره على نوح فني واسولف مع النغمه على عين سهران = وادندن الاوتار ماهوب مني واسلى مع الدمعه على كف بركان = و امتحن جني وهو ممتحني وانثر ولع محبوب بكاس عطشان = واشرب شعاع النور من ما لجني وانهر انا الضحكه على كل الاحيان = واعذرب الدنيا على سوء ظني واسكن مع الماضي ترانيم الازمان = واشد وانزل والليالي تهني وابارك على موتي واعزي انا الجان = واقاضي الحفار لامن كفني . . . . . النشوان |
|||||||
اللهم استرني فوق الارض و تحت الارض و يوم العرض
|
||||||||
20 / 05 / 2005, 20 : 08 PM | #150 | |||||||
أسطورة الوئام
شكراً: 0
تم شكره 3 مرة في 3 مشاركة
|
البارحة يوم الخلايق هجوعي = ظليت طــــول الليل للصـــبح واعي وافي خدي على يدي ودمعي لكوعي = ورمش السهر يكتب لقصة ضياعي حزن وهم وغم من كل نوعي = مثل البحــر فيها غدى بي شـــراعي في بحر حزني غارق اليا سموعي = واصبحت باعماقه برغم الصراعي حبست دمعي في حنايا ضلوعي = وسبـــــــحت لله ليـــــن هدّا ارتياعي ياليلة العيد ارتوي من دموعي = وياراسي اشبع لين تشــبع صداعي ياعيد دام انك نويت الرجوعي = مع ان والله مالجـــــــــــــيتك داعي فالمعذرة ياعيد مامن شموعي = ماغــير شمــعه وانطـفت بالوداعي لكن خلك مثل وافي قنوعي = وخلك تراعــــي حال ماله مراعي ياعيد من طاريك قلبي يزوعي = ولا قيل عيد تضـيق بي الوساعي شف كيف بقدومك تغير طبوعي = وصرت اعشق الوحده وانا الاجتماعي شف كيف صرت من التهاني جزوعي = وصارت تهانيهم عـزاء في سماعي شف كيف ماعايدت حتى ربوعي = وكل تساءل ليششش هالانقـطاعي شف كيف من شمسك بدت بالطلوعي = وانا النهار امضــــــيه بين التلاعي ماهو بطوعي غصب ماهو بطوعي = ماهو بطــــــــوعي لا ولا باقتناعي ملتاع من قبلك و زودت لوعي = ياعيد عـــــــذراً والله الصبر ضاعي العام بالآمال كان مخدوعي = واليوم عيا لايصــــــــــدق خـداعي لكن على الله واسمحي يادموعي = للعيد لو ينعاد من غــــــــير داعي |
|||||||
اللهم استرني فوق الارض و تحت الارض و يوم العرض
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
من ارشيف الذاكرة .. | أبو خـ البجادي ـالد | بوحْ الشعِر والنثر .. | 16 | 20 / 06 / 2003 46 : 02 PM |
هل أجد الوئام بينكم بمنتدى الوئام | الدكتورخالد | ملتقى الأصدقاء | 20 | 20 / 04 / 2002 26 : 02 AM |