تعبت أصبر على جرحٍ ثلاث سنين ضايمني = تعبت أفرح لأجل غيري وغيري دالهٍ سالي
تعبت أسهر لأجل طيفٍ لذيذ النوم حارمني = تعبت أبكي لأجل عينٍ على الخلاّن تحتالي
تعبت أتنفس الضيقه وعنا دنياي كاتمني = تعبت أرسم وإظل أرسم حروف إسمك ياقتّالي
تعبت أدوّر أعذارٍ تعذرك وإنت ظالمني = تعبت أتحمّل غيابٍ طويلٍ حطّم آمالي
تعبت أكذب على نفسي وأقول الزين فاهمني = وأنا أدري بك ذكي لكن تحاول دايم إذلالي
تعبت أعزم غلا قلبك وألاقي الجرح عازمني = تعبت أرجي سحاب الشوق يمطر يوم بوصالي
تعبت أقول ياخلّي غيابك حيل صادمني = تعبت أقول ياخلي غيابك قطّع أوصالي
تعبت أصرخ أقول إرجع حبيب الروح قاسمني = حزن وقتي وضحكاته وخلك دايم قبالي
تعبت أعيش متواضع وضيم الوقت هازمني = تعبت أتعب أنا لأجلك وأقول فداك يالغالي
خلاص إبعد أنا ماأبغى مثيلك يوم ينادمني = تكرّم وإبتعد خلني أعيش بعالمي لحالي
قدرت أكبر على جرحٍ ثلاث سنين ضايمني = قدرت أفرح لأجل فرحي وأعيش بدنيتي سالي
مخاوي الجرح