اغليك مثل اللي ليـا شـاف بـراق = سرى يقول البرق نعمه للأوطـااان
حبك بقلبـي مـا تخفيـه الأحـداق = حبك بقلبي مثل جنـات الاغصـان
واخر كلامي لك قصيدي والأشـواق = مشتاق والله كيف والحال ضميـان
لها بالقلب مكنون الغـلا لـو زلـت ماينـزال = وفيض القلب من باقي غلاها الدم يسـري بـه
وغابت عن عيوني وتركت صورة كما التمثـال =بوسط القلب حال انسـاه لحظـة فكرتنـي بـه
وضاعن الرسايل واستحالـت خدمـة الجـوال = وعن صوتـه ماعـاد اظـن يكفنـي مكاتيبـه
وساعات الفرح زلـت وحـل بقلبـي الزلـزال = زمانـي لـو صفـى لابـده يكـدر مشاريبـه
حسيبك يازمن فوق الشفـاه لبسمتـي تغتـال = وتسرق دمعة افراحي لشمع العمر تطفـي بـه
حرام دموع مغليهـا تعانـق خدهـا والشـال = دخيلـك دوك عذبنـي وعطنـي عنـه تعذيبـه
رخصت وله رخص حالي ورخصت دمعة الرجال = ورضيت بما كتب ربي مثل مانتي رضيتـي بـه
ولو ان السعادة تنشري بالحـال وايـا المـال = رخصنا كل غالي للي اغلى منـه نصخـي بـه
أنا وشلون ابفرح بك وقلبي في الهوى مغدور = أنا وشلون ابفرح بك وقلبـي ضايـعٍ دربـه
أنا وشلون ابفرح بك وقاعي بالحزن ممطور = أعيش بدنيتي ظامي ولاحصلت لـو شربـه
ثمان شهور تتركني وأحسّبها ثمـان دهـور = وترجعلي ولاكنّك غرسـت بخافقـي حربـه
حبيبي للأسف قلبي من الفرقى غدى مكسور = كسرت الخاطر العاشق وتوّك ترتجي قربـه
رح بدربك وودّعني أببني للهمـوم قصـور = وأبرسم للحزن صوره مدام إن الفرح كذبـه
بعد ماعرفت اني بقلبك مجـرد ضيـف = نزل وارتحل واعطى ضيافتـك واجبهـا
حشا مايجيك اللوم ياصاحبـي والحيـف =وعشرتك ماهانت وصاحبـك صاحبهـا
وبارحل مع الذكرى عسى لي بها تخفيف = من احزان قلب فيـه بانـت صوايبهـا
سلامي على اللي حبها ماحواه الزيـف = وصدوق المشاعر همسهـا ماتكذبهـا
رميت آخر اوراقي بتالي ليـال الصيـف = وبعد اطلاعك قول مرحـوووم كاتبهـا
الأخت الغالية ( سديم )
الله يسعد أيامك ولياليك بالفرح والسرور
يعطيك ألف مليون صحة وعافية على الإبداع والتألق والروعه التي لايكفينا فيها قول مشكوره أو أبدعتي .بل رسمتي بالذهب
لوحة لثوبٍ من حرير طرزتيه بأحرف الإبداع الذهبي وتألق الكاتبة الراقية وألبستيه لمنتدى الشعر والأدب في شبكة وئام المحبه حتى أعطى لنا أشعاعاً بإلوان الطيف الرااائعه وهو يكتب وبوضوح الشمس هذا الأرشيف من إبداعات وتألق رااائعة الوئام (سديم ).
فلكِ مني جزيل الشكر والتقدير لإمتاعنا بهذه القصائد التي لو الله ثم إبداعك لما كتب لنا الإطلاع عليها والتمتع بقرائتها وما تحمله بين أحرفها ومعانيها من جمال وبهاء الكلام العذب.
وتقبلي أصدق الدعوات لك بالتوفيق والصحة والعافية.