(( مساحة حرة ))

سافرو سافرو ياعيني هـلّي عليهم = سافرو وتركوني في دياري غريب
إحرمو قلبي اللي بالغلا يشتريهم = إرحلو وتركوني من عواهم صويب
إحرمو نفسي اللي شاقيه ترتجيهم = هان حتى وداعي رغم طول المغيب
إجرحوني وأنا اللي محسن الظن فيهم =ماهقيت إن حسن الظن فيهم يخيب
ليه راحو وخلوني حزينٍ عليهم= أذرف الدمع من جور العناء والنصيب
لو عذابٍ سوطها قلبي منهم يجيهم =إعذروني وقالو في دموعك وصيب

::

سليمــان السلامـــه

ياالله تكتبلي من الهم مخراج = يامخرجٍ يونس من الحوت ناجي
مالي لعطف الناس يارب محتاج = حيث إني ماغيرك يسد إحتياجي
تقدر تدبرني على خير منهاج = تقدر تبدر كربتي وإنفراجي
كني مريضٍ صار مايمـه علاج=ومن هادم اللذات جاه إرتجاجي
كني وسط مركب تحدته الأمواج =واشتدت المطره بريح وعجاجي
في ليل موحش مامعه لوس الأسراج = وأصوات بالظلمه تزيد إنزعاجي
ماعادلي إلا انت ياراعي الإفراج =عذب فلا لا ون غيرك ملاجي
بابك لعبدك ماخبر فيه مزلاج = عجل بررزقه مع وسيع الفجاجي
بينه وبين الرزق لا تجعل سياج =أنت الكريم اللي لك العبد راجي

::

سعـد الخريجي

لا يرتخي حبل المـوده معايـه =خل الحبل يامشغل البال مشـدود
لا تسمع اللي ينقلـون الوشايـه =عواذلٍ تحكي لنا قلوبهـم سـود
إرفع على بيت المواصيل رايـه =تلعب به النسمات ياناعم العـود
صور لهم بدموع عينـك إسايـه =وتعليل نفسٍ سمها الحب بوعـود
يـزود حبـك وصـدك عنايـه =طال إنتظاري طال مانلت مقصود
اللي حصلي من عذابـي كفايـه =دايم ونقص الحال يازين في زود
أثبتلـك يانـور عينـي غلايـه = عندي على حبك مراسيم وشهود

::

سـعــد الخريجــي

زوجوها غصب عنها واحساف=وأرغمو شمس الأمل تصبح كسوف
يالله إني سائلك وسط الطواف=ضاعت الحيله ولاغيرك يشوف
ليه جنة حبنا صارت جفاف =ليه صحراء نارها في وقوف
ليه يحصد زرعنا قبل القطوف = ليه يحكم ظلمنا من دون خوف
القدر وين أصدربحكمه وطاف=حبنا باقي على رغم الظروف
من يقدّر دمعها يوم الزفاف= من يقول الفرح دمع الهنوف
في نظرهم هي سعيده في كفاف = وبنظرنا كفنوها ما تشوف
ولّجوها كل من هنّا وشاف =وفي نظر عيني على الجثه صفوف
ضحكهم في مسمعي كله سفاف = والبكاء والنوح وصوت الدفوف
ليت قلبي ما سمع فيها وشاف = ليت ألقى عقبها الصبر العطوف
يا دموعي يا جروحي يا قواف = دورنا نبكي على زين الوصوف
البحر أصبح بلى شط وضفاف = والمعاني ما تجسدها حروف

::

مـاجد عبدالله العبيــد

حديقتي ورد وعشب وشجر
لكنها مثلي أصيبت بالضجر

سألتها: ما الخطب يا حديقتي
فتمتمت: متى يعود من هجر ؟

أذهلني السؤال رغم أنني
من مدة بدلت قلبي بحجر

د. مانع العتيبه

غديت انا .. وانتي .. طفلة وطفل ..
تبكين فـ وداعي .. وانا كني مفارق أهل ..
وبيتٍ صغير .. ودربٍ كهل ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي
يا اول مواعيدي .. ويااخر مواعيدي
انتي فرح عمري .. وجرحي وتسهيدي ..
افارقك ليله .. يا طولها ليله ..
واجيك انا باكر .. وقلبي على إيدي ..
ومادري سبب خوفك .. وانتي العمر شوفك ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي
وغديت انا .. وانتي .. طفلة وطفل ..
تبكين فـ وداعي ..

بدر بن عبدالمحسن

وان علمتني الفاتنة وشلون اسير بلا بصر=علمتـــها الفنجــال وشلون اتحـــدى واشـــربه
وعلمتها اني كذا طـــال الزمــن والا قصر=وان اعذب الحب اصدقه وان اعذب الشعر اكذبه

.
.

ضيدان

قبل اسافر وتنسى جيـت اسلـم عليـك
.......................جيت ابي عمري اللي من يديني غـدى

ضاعت اجمل سنيني من عمايل يديـك
.......................اكذب ان قلت راحت لاجل عينك فـدى

فرصة العمر قالوا لا غدت مـا تجيـك
.......................جتني اكثر فرص عمري وضاعت سدى

جرب الخوف مره حـس بـه يعتليـك
.......................وارفع الصوت ماتسمع لصوتك صـدى

تدري اللي ذبحنـي قولتـك مـا ابيـك
.......................مابقالـي لثـاري لـو بغيتـه مــدى

ما هقيـت المشاعـر كلهـا ترتجيـك
.......................قل لها بالمفـارق منهـو اللـي بـدى

هاك دمعة عيـون(ن) باكيـه تشتكيـك
.......................هاك ريح ضمير(ن)ما استراح وهـدى

ما تناظر عيونـي زول هـذي وذيـك
.......................ما يهز المسامـع اسـم ريـم وهـدى

قلت ماعادلي رغبـة وشوفـات فيـك
.......................قلت يا نفس طيبـي يفرحـون العـدى

قلت عايف ونفسـي بالخفـا تشتهيـك
.......................عزة النفـس تـدري طيـب مـا هي ردى

خل عينك تهـل دموعهـا وش عليـك
.......................انت خدك ورود ودمـع عينـك نـدى


متعب التركي