يستفز الغيره فيني
يتلذذ باحتراقي
يبتسم ويقول .. آسف
أجمع أنفاسي بزفره
لاطلعت تزلزل ظلوعي
ويعتقد اني رضيت ..!
كل مره نفسها الغلطه تكرر
كل مره بنفس هالسيره نعيد
قلت لك يا ابن الحلال
ما أبي منك كثير
احترم اني بنيه
احترم فيني الأنوثه
حاول انك ماتجيب سيرة أنثى في حضوري
حاول انك تلتزم بس في ساعة وجودي
لحظه ..
لحظه .. ..
لايغرك هالكلام
وتظن اني ضعيفه
أو أحاول أملكك
لا حبيبي ..
رافعه راسي لفوق
و واثقه لحد الغرور
وأكثر أكثر من غرور
وأدري اني أنثى غير
بس لازم تحترم حضرة جنابي
تدري اني بيدي أتلف كل أعصابك بلمحه
أملا قلبك بالمحبه وأشكك في وفاي
واتركك حاير تهوجس
هي حقيقه أو خيال
أعزف على أوتارك وساوس
ماتنام ان ذقتها
ألعب بألوانك وأنت تشوفها كلها سواد
أتعامل ببرود يشعل بقلبك شرار
وبالاخير خذها نصيحه
" لاتلذذ باحتراقي لأجل ما أعميك برمادي "
ماطلبت تكون وافي
ولا طلبت تكون لي
هو فقط شئ بسيط
حاول انك ماتجيب سيرة أنثى في حضوري
حاول انك ماتجيب سيرة أنثى في حضوري
حاول انك ماتجيب سيرة أنثى في حضوري
أنت غير مسجل في منتديات الوئام . للتسجيل الرجاء إضغط هنـا
يستفز الغيره فيني 
