حيلتي لاهبت النود عصريّه ** قمت مع كل الجهات اتحراها
صبحكم الله بالخير
قدر الله و تهورت و قلت احوس بالوسائط واسوي زي مايسوون الناس
و هذا الناتج ...... ان شاء الله يعجبونكم
//
//
يعلم الله شفت منك ومن غيابك ماكفاني = كان ماتقدر تخفف هم قلبي ..لاتزيده
شف غيابك وش يسوي بالصدور وبالمباني = وأنت تدري كيف كانت صدمت غيابك شديده
والله أنك لو وصلت البيت متأخر ثواني = مالقيت إلا بقايا من حصاه ومن حديده
//
//
تعال وشوف بغيابك غلاك اشلون سوى بي = حرام تغيب من عمري وتعطيني الفراق وشاح
حرام الدمع في عيني مناديلـه هـي أهدابـي = غيابك يشغل عيون الزوايا وامتلـي أشبـاح
عانيت .. انا في غيبتك حيل عانيت = يا بغضني للبعد لارحم حيه
هذا شهر وش عاد لو انك ابطيت = و الله ان تلقى لك هنيّا ضحيه
البارحه مابين يمكن و ياليت = و ابليس يتركني و يرجع عليه
فكرت لو طول غيابك ولا جيت = يعني كذا روحه و من غير جيه
خانتني الدمعه و طاحت و صديت = ملعون ابو التفكير يذبح خويه