|
ملتقى الأصدقاء تهانينا ، افرآحنا ، أخوتنا ، من هنآ نبدأ .. لاستقبال الأعضاء الجدد ، تكريم الأعضاء |
|
أدوات الموضوع |
18 / 10 / 2004, 18 : 02 AM | #41 | |||||||
عضو شرف
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
ونتابـع الحديـث والمناقشـة مـع الشكـر الجزيـل لكـل مـن شـارك فـي الأجـزاء السابـقـة
في حديثنا السابق ابو محمد قـرر يكلـم ابـو فهـد عـن رغبتـه فـي خطبـة بنتـه لابنـه محمـد هالموضوع مافيه مشكلة لكن مشكلة ابو محمد كيـف يقـول لبـو فهـد ولدنـا يبـي يشـوف بنتـك وفي يوم من الأيام راح ابو محمد لبو فهد في بيته 000زيارة عادية لكن ابو محمـد فـي راسـه شـي ابـــــو فـــهـــد : حــــــيالله اخــــــوي ابــــــو مــحــمــد ابــــو مـحـمــد : الله يـحــيــك 00وش اخــبـــارك 00واخــبـــار الأولاد ابـــــو فــهـــد : بـخــيــر الله يسـلـمـك00عـيـالـك وش اخــبــارهــم ابـــــــو مــحــمـــد : بــخــيـــر ويـســلــمــون عــلــيـــك ابـو فهـد : الله يسلمـك مـن كـل شـر 00الا ماقلـت لـي 00وش صــار عـلـى محـمـد ابـــــــــو مـــحـــمـــد : مــــــــــن أي نـــاحـــيــــة ؟ ابــو فـهــد : شـكـلـك نـسـيـت 00مـــو قـلــت لـــي نـبــي نـزوجــه ؟ ابــــو مـحـمــد : أيــــه 00احــنــا اقـنـعـنــاه وهـــــو وافـــــق ابـو فهـد : ممتـاز 00طيـب وش تنتظـرون 00روحـوا اخطبـوا لـه قبـل يغـيـر رايــه ابو محمد : صدقت 00وهذا اللـي جابنـي لـك الحيـن وفـي هالوقـت 00انـا عـارف مجلسـك مــايــفــضـــي ونــــــــــا ابـــــيـــــك لـــــوحـــــدك ابو فهد : حتى انا استغربـت جيتـك فـي هالوقـت 00 مابغيـت اسألـك تقـول متضايـق منـي ابـو محمـد : وش اسـوي لـك فاتـح لـي مجلـسـك تـقـول مجـلـس ابــو حـمـدان 00 نـــاس داخـلــة ونــــاس خــارجــه 00الله يـعـيــن حـرمـتــك بــــس ابو فهـد : ههههههههههههههههههـه انـت جـاي تشـوش حرمتـي علـي 00تـرى جانـي مـن النقاش ماكفانـي 00لكـن انـا اسـوي شـي ومقتنـع منـه 00الحمـد لله انـت شايفنـي وشايـف ربعـي 00واحسـن لهـم نجـلـس عنـدهـم ولا نــروح استـراحـات أو أمـاكـن ثانـيـة اذا بـغــونــا مـايـلـقـونـا 00بــــــس ويــــــن الـــلـــي تــفــهــم ابو محمد : بس انت ابو فهد مزودها شوي 00كل يوم كل يوم 00يعني يـوم فـي الأسبـوع معقـول ابو فهد : شف عاد 00تراك ضيعتني في السالفة 00 تبي تفهمني انك جاي تنصحني عن هالموضوع ؟ ابـــو مـحـمـد : طـبـعـا لا 00انـــا جـايــك فـــي مــوضــوع ثــانــي ابـــو فـهــد : ايــــه هــــذا الــكــلام 00عـطـنــا الــلــي عــنــدك ابو محمد : الصراحة احنا لما أقنعنا محمد بالزواج خواته عرضنا عليه بنتك 00وماراح نلقا افضل منكم ابو فهد : الله يحيكم 00واحنا ماراح نلاقـي افضـل مـن محمـد 00محمـد ولدنـا وبدريـه بنتكـم والـلــي تـقــول عـلـيـه يــابــو مـحـمــد يــتــم 00كـلـهــم عـيـالــك ابــو محـمـد : الله يسلـمـك 00مـامـن قـصـور يـابـو فـهـد 00بــس هالـولـد 00 ابــــو فــهـــد : وش فــيـــه هـالــولــد 00قــصـــدك مـحــمــد ؟ ابـو محمـد : مـن غيـره 00محمـد بعـد ماتعبنـا واقنعنـاه طـلـع لـنـا بطلـعـة غريـبـه ابــــو فــهـــد : طـلــعــه ؟ مـافـهـمــت شـــــي 00وش تـقــصــد ابو محمد : شـف يابـو فهـد انـت مثـل اخـوي وابـي شـورك 00محمـد يابـو فهـد يقـول ماراح اتزوج وحده الا لما اشوفها واجلس معها 00يقـول هـذا مـن الشـرع ومـن حقـي اشـوف ابـو فهـد : والله يـابـو محـمـد اذا بترضـاهـا عـلـى بنـاتـك فتـراهـا وحــده منـهـم ابــــو مـحـمــد اصــبــح فـــــي مــوقـــف لايـحــســد عـلــيــه ابـو محمـد : بدريـة زي بناتـي يابـو فهـد 00واذا تبـي الصراحـه انـا بنـاتـي لايمـكـن ارضـى احـد يشوفهـم 00بكـره ماتصلـح لـه يـروح يفضـح بـهـا فــي كــل مـكـان ابو فهد : هذا انت جبتها 00وش يضمـن لـي ان ولـدك مـاراح يتكلـم لـو هـي ماصلحـت لـه انا عارف ان الشرع أباح هالشي 00لكن مشكلتنا في شبابنا الله يهديهـم 00بكـرة يـروح يتكلـم مـع ربعـه عنهـا ومـع الحرمـة اللـي بيتزوجهـا ويقـطـع رزقـهـا 00وش بيقـولـون عليـنـا الـنـاس بعـديـن 00ابــو فـهـد يـعـرض بنـاتـه عـلـى كــل مـــن هـــب ودب ابو محمد : صدقت 00انا بقول له اما يقتنع باللي يشوفونه خواته وامه ولا يروح يدور نـاس غيركـم ابـو فهـد : والله يابـو محمـد مـاودي رديتـك 00لكـن انـت انـشالله فهمـت وجهـة نظـري ابــو محـمـد : والله فاهـمـك ومـقـدر كـلامـك ونــت ماقـصـرت وفـيـت وكفـيـت طلـع ابـو محمـد ورجـع لبيتـه وجمـع بناتـه وامهـم ومحمـد 00وقـال لهـم اللـي صــار ام محمـد طبعـا تتشمـت 00لأنهـم رفضـوا بنـت اختهـا طبعـا 00لكـن صـار شـي غــي رمـتــوقــع لـلـجـمـيـع وكـــــان هـالــشــي مــــــن ســــــاره فـــــــي الــحــديـــث الـــقــــادم نــتــابـــع الــحـــديـــث نكمل اللقاء مع الحلقة 6 ان شاء الله |
|||||||
|
||||||||
18 / 10 / 2004, 34 : 02 AM | #42 | |||||||
العضويه الفضيه
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
كلا ولا ولن وان وكان واخواتها
اعترض على هذا الموضوع <------------- اقووووووووول اجلس الموضوع فيه كشف مشكله عائليه خاصه ولن اسامح بل سوف اقيم دعوى قضائيه ضد المنتدى لا لا لا لا لا ل لا لا لا لا لا لا لا ل ا لا لا تستكت كمل القصه <------------- داخل جو مع القصه منقهر وده يشوف الحلقه الاخيره |
|||||||
زمـان يالوئام ......
|
||||||||
20 / 10 / 2004, 19 : 10 PM | #43 | |||||||
عضو شرف
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
هلا وغلا ابو محمد
يسلمك ربي على مرورك سعدنا بك ويا هلا مليون |
|||||||
|
||||||||
20 / 10 / 2004, 22 : 10 PM | #44 | |||||||
عضو شرف
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
ونتابع حديثنا
سارة اخت محمد لقت الحل 00تقول بكلم بدرية وآخذ رايها أول سارة كلمت بدرية 00كان الوقت متأخر شوي 00لازم يضمنون ان الجميع نايم سارة : وش اخبارك بدرية بدرية : والله تمام 00انتي وش اخبارك ؟ سارة : انا كويسه 00عرفتي باللي صار ؟ بدرية : لا 00وش صاير ؟ عسى ماشر سارة : لا ان شالله مافيه الا الخير 00بس ابوي قبل يومين جا وخطبك لخوي محمد بدرية تلعثمت في الكلام وماتكلمت 00صار ماعندها خبر فعلا 00ابوها قفل السالفة لما عرف شرط محمد ساره : وش فيك ساكته بدريه بدرية : وش أقول ؟ سارة : ابي رايك بدرية : رايي في ايش ؟ سارة : في اخوي محمد بدرية : اخوك محمد ؟ انا ماعرفه زين 00لكن ابوي ماجاب لي سيرة 00ولا حتى امي سارة : معقوله ؟ أها فهمت بدرية : وش فهمتي ؟ ساره : بقولك السالفة وابي آخذ رايك 00شوفي سارة 00اخوي طلب يشوفك وتشوفينه 00 عشان مايكون ارتباط الا باقتناع 00وهذا شي أجازه الشرع بدريه : وابوي وش قال ؟ ساره : ابوك رفض بدرية : رفض ؟ طيب وش تبيني اسوي ؟ اذا هو رفض مقدر اسوي شي سارة : طيب انتي وش رايك في المبدأ بدرية : صراحة أكثر زميلاتي شافوا ازواجهم قبل سارة : يعني انتي مقتنعه من الفكرة بدرية : وش الفايده مدام ابوي رفض سارة : شوفي ساره 00انا برتب لكم لقاء في بيتنا أي وقت بدون علم ابوي ولا ابوك أنا بكون معكم 00واذا الله وفق بينكم ساعتها نتقدم لك مرة ثانيه بدرية : لا ساره 00اخاف اهلي يدرون 00بعدين وش يسترني منهم ساره : محد داري صدقيني 00واخوي انا بحلفه على المصحف انه مايتكلم سواء صار اتفاق او ماصار بدرية : طيب عطيني فرصة افكر وارد لك سارة : متى بتردين لي بدرية : يوم او يومين بالكثير 00مع اني خايفة من هالموضوع سارة : قلت لك لا تخافين انا بكون معكم 00هالشي من صالحكم اثنينكم بدرية : طيب تعتقدين هاللي بنسويه صح ولا خطأ ؟؟؟؟؟؟؟؟؟؟ <<<<<<<<<<< ولنا لقاء ومتابعة في الحلقه السابعة القادمة |
|||||||
|
||||||||
20 / 10 / 2004, 24 : 10 PM | #45 | |||||||
عضو شرف
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
مساء الخير
في حديثنا السابق بدرية كانت تسأل سارة 00هل هذا التصرف صح ولا خطأ سارة سكتت شوي 00 فاجأتها بدرية بهذا السؤال : شوفي سارة انتي لو صار لك زي هالموقف 00تقبلين احد يشوفك بدون علم اهلك ؟ سارة : تبين الصراحه ؟ لا بدرية : خلاص سارة 00انا كنت متردده والحين اقتنعت 00ماقدر اسوي شي زي هذا من ورا اهلي سارة : والله يابدرية مدري وش اقول لك 00لكن هالشي يخصك ونتي صاحبة القرار فيه بدرية : لا ياساره مابي اسوي غلطة اندم عليها طول عمري 00انا عارفه ان هالشي أجازه الشرع 00لكن لازم موافقة اهلي قبل كل شي سارة : زين بدرية 00هذا شي راجع لك انتهت مكالمة سارة مع بدرية سارة كلمت اخوها محمد عن الموضوع وعرضت عليه فكرة ثانيه وهي الصورة محمد : لا ساره 00انتي عارفه انا ضد هالمبدأ 00الصورة ماراح تبين كل شي اذا هم رافضين هالشي فحنا مانقدر نجبرهم 00شوفو لنا غيرهم سارة : والله البنت حرام تروح عليك 00بس انت ورايك 00بكره تقول وهقتوني محمد : انا ماعندي استعداد للمغامرات سارة : طيب وش رايك في الخاطبات ؟ كثير تزوج بهالطريقة محمد : خاطبات ؟ سارة : ايه 00فيه حريم مختصات بهالشي 00معهم صور لبنات 00انت تشوف اللي تصلح لك بعدين نطلب نشوفها محمد : طيب بس خل آخذ راي ابوي وامي سارة : أكيد ماراح نسوي شي الا بمشورتهم 00بعدين امي هي اللي بتتولى هالموضوع أنا مره سمعتها تتكلم مع جارتنا عن الخطبات محمد كلم ابوه وامه عن هالفكرة ابو محمد : بس ياولدي ناس مانعرفهم ولا نعرف طبايعهم 00شلون تبينا ناخذ منهم محمد : اذا صلحت لنا البنت سألنا عنهم قبل نتكلم رسمي ابو محمد : خلاص يامحمد 00اذا انت مقتنع شف امك تدور من بكره محمد : وش قلتي يامي 00وراك ساكته ؟ ام محمد : انا قايله لك من قبل 00لا تدخلوني في الموضوع 00 يوم انا اقول لك بنت اختي ونت رافع راسك عليها ابو محمد : يووووووووووووه رجعنا لبنت اختها 00ياحرمه هالموضوع انتهينا منه محمد : يامي انا قلت لك وجهة نظري 00انا مابي اسوي لك مشكلة بعدين مع خالتي خلينا بعيد احسن لنا ولهم ام محمد : خلاص اللي تشوفونه ابو محمد : اللي تشوفونه ؟ ولدك يبيك تدورين له ام محمد : انا فاهمه 00بكرة بسأل الجيران 00فيه خاطبه يمدحونها بس ماعرف تلفونها ام محمد سألت جيرانها واعطوها رقم خاطبه اسمها الجوهرة الجوهرة وحسب كلام وحده من الجيران زوجت اكثر من 250 بنت 00وكلها زواجات ناجحة والله اعلم عشان محد يقول رحال جالس يسوي دعاية لها المهم 00ام محمد اتصلت على الجوهرة وأخذت موعد منها 00كان الموعد يوم الخميس عشان تجهز لهم الصور بعد ماعرفت المواصفات من ام محمد وفي يوم الخميس الموعود 00محمد ضبط نفسه وتشيك آخر شياكه تقول اليوم زواجه أخذ امه معه واخته ساره محمد : تعرفون بيتها ؟ ام محمد : لا والله 00 بس خذ كرتها فيه رقم جوالها محمد : كرتها ؟ ذي مديرة أعمال هههههههههههه هاتي اشوف محمد اتصل على الجوهرة 00واعطا اخته ساره تكلمها ساره: السلام عليكم الجوهرة : وعليكم السلام سارة : احنا اللي كلمناك قبل ثلاثة ايام عشان موضوع الخطبه الجوهرة : انتي مين ؟ اللي مكلميني كثير ساره : تذكرين ام محمد لما كلمتك قبل ثلاثة ايام الجوهرة : أها 00ذكرت 00تعالوا الله يحيكم ساره : بس احنا مانعرف البيت الجوهرة : بيتنا مايضيع 00شوفي >>>>>> وللحديث بقية بس مش دلوأتي 00 مع الحلقة الثامنة |
|||||||
|
||||||||
20 / 10 / 2004, 28 : 10 PM | #46 | |||||||
عضو شرف
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
في آخر كلامنا السابق محمد وامه واخته رايحين للجوهرة 00الجوهرة هي الخاطبة اذا ناسين اذكركم
المهم 00بعد الدوران والجوالات يمين يسار يسار يمين وصلوا بيتها 00 فتحت بنتها الصغيره ودخلتهم المجلس ساره: شوفو بيتها 00كشخه 00بيتها احسن من بيتنا ام محمد : لأنك ماتدرين كم دخلها الشهري 00هاذي ياساره تاخذ على كل زواجه 7000 ريال محمد : 7000 ريال ؟ ام محمد : ايه 7000 ريال أجل هلله 00ليش وينك عايش فيه محمد : بس انا راتبي كله يادوب 5000 ريال وفيها مصاريف وفواتير وبلاوي ساره : تبي نصيحتي ؟ محمد : عارف نصيحتك 00خلها لك واسكتي ام محمد : وش نصيحتك ياساره ؟ ساره : كنت بقول له يشتغل خاطبه قصدي خاطب 00والله شغله تدخل ذهب 00لا وإجازاتك على كيفك ام محمد : وش هالكلام ياساره ؟ ساره : امزح معكم 00يوووه الواحد بعد مايمزح محمد : بس مو وقته الله يهديك 00اذا جينا في بيتنا امزحي على راحتك ام محمد : وين راحت هاذي بعد بنتها جابت لهم الشاي والقهوة ام محمد سالتها عن امها 00قالت امي بتجي بعد شوي 00تقول انها رايحه في مشوار قريب 00شكله زواجه جديده بعد ساعه من الإنتظار جت الجوهرة 00سلمت عليهم وجلست ام محمد : احنا كلمناك قبل كم يوم عن 000 الجوهرة : ايه ايه عارفه 00وش مواصفاتك ياولدي للعروسه اللي تبيها محمد : لحظة 00وينها ؟ ساره : وشي ؟ محمد : الورقه ؟ ساره : اية ورقه ؟ محمد : ورقه كنت كاتب فيها المواصفات ام محمد : كاتب مواصفاتك في ورقه ؟ الجوهرة : ههههههههههههههههههههه 00وين ورقتك ؟ محمد : انا كتبت مواصفاتي في ورقه لأني خايف انسى شي 00تعرفون مع الإحراج الواحد تضيع علومه 00هذا زواج مو لعبه ام محمد : طيب وين ورقتك 00خلصنا محمد : لحظة اشوف يمكن في السيارة راح محمد ولقا الورقه في السيارة فعلا 00جابها وعطاها الجوهرة 00المشكلة الجوهرة قراءتها على قد حالها 00بس مو مشكله عندها بنتها الجوهرة : طيب ممكن تقرا لي مواصفاتك ؟ ساره : هاتي الورقة 00انا بقراها 00يؤ 00وش هذا ؟ محمد منت صاحي محمد : امس طول الليل قاعد اكتب فيها 00ترى يكون في علمكم انا الى الحين مانمت ام محمد : طيب اقري شروطه وخلصينا ساره : صراحه فيه أشياء استحي اقولها 00خله هو يقراها محمد : انا ؟ لا لا لو كنت بقراها ماكتبتها ام محمد : وش انت كاتب يامحمد ؟ الله يفشلك الجوهرة : انتو جايين تضيعون وقتي 00شف 00قل وش اللي تبيه شفهي وبس 00 وشوله اللف والدوران ياولدي محمد : خلاص بقول لك 00عطيني ورقتي محمد قال مواصفاته بس مو كلها 00بعض الأشياء اللي كاتبها طمرها 00 تبون الصراحه حتى انا استحي اقولها 00الله يرجه من ولد ليته قاعد عازب احسن له وللمجتمع الجوهرة : زين يا محمد 00انت حظك من السما 00عروستك عندي ونا متأكده انها بتعجبك محمد : عندك ؟ <<<<< صار يفكر في بنتها الجوهرة : ايه عندي 00بنت مزيونه وعاقلة 00ابوها متوفي من 7 سنين وامها حرمة ماقول عنها الا والنعم 00ربت عيالها الثلاثة بعد مامات ابوهم حتى كبروا 00 ماعندها الا هالبنت واثنين من الأولاد اصغر منها محمد : متعلمه ؟ الجوهرة : لا 00بس ماخذه مكافحة 00تعرف تقرا وتكتب محمد : لا لا 00انا أهم شرط عندي انها تكون متعلمه 00شوفي غيرها 00وش هذا من حفره لدحديره الجوهرة : ونت وش عليك منها ؟ ونت بتتزوجها محمد : يؤ 00اجل من اللي بيتزوجها 00امي ؟ الجوهرة : انت شكلك مضيع 00انا اتكلم عن امها الله يصلحك 00البنت باقي لها سنه وتخلص جامعه ساره : ههههههههههههههههه محمد ؟ محمد : نعم ساره : اركد شوي 00تراك فشلتنا 00طبعا هالكلام في اذنه بس انا سمعته <<<<<<< نصاب محمد : زين 00شكلي فهمت غلط ام محمد : خلاص الجوهرة 00نبي نشوف البنت 00 وش رايك ؟ يرضون يخلون محمد يشوفها وهي بعد تشوفه الجوهرة : يشوفها ؟ مدري والله 00عطوني فرصه يومين ونا اتصل عليكم وبعد يومين اتصلت الجوهرة على ام محمد وقالت ؟؟؟؟؟؟ وش رايكم 00نصبر يومين عشان نشوف وش ردت عليهم يالله بايوووووووو مع الحلقة التاسعة |
|||||||
|
||||||||
21 / 10 / 2004, 36 : 12 AM | #47 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
....
اممممممممممم ----------> ليته يحصل كرت هالخطابه ضايع لووووووووووووووووووووووووووووووووول بصراحه اللي معجبني سويّر عندها افكار تحتل فيها بلد.. لكن ماهم ماشين على افكارها... ولاّ كان افلحووا وامه .... ذبحتنا في بنت اختهاا.... ياكثر ماتجيب طاريها... على العموم مازال الشوق مستمرّاً لكي نقف على اخر التفاااااااصيل... يسلمووو ياشفشف |
|||||||
|
||||||||
22 / 10 / 2004, 47 : 11 AM | #48 | |||||||
أسطورة الوئام
شكراً: 0
تم شكره 3 مرة في 3 مشاركة
|
مشاركة: ((//)) خربشاااااااااااات ((//))
ترا رديت على الجوهره من زمان وقلت لها يحلم يشوفني بس هي للحين تحاول فيني
<< معليش منسجمه مع الاحداث استمر يا الشفا .. لاتشوقنا وتهج . . |
|||||||
اللهم استرني فوق الارض و تحت الارض و يوم العرض
|
||||||||
22 / 10 / 2004, 26 : 12 PM | #49 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
ياعيني يااستاز
شو هالخربشات اللي بتخربش العقل تابع وحنا وراك |
|||||||
حَسْبـِي .. أنِّي أُنْثـَى ..
|
||||||||
22 / 10 / 2004, 33 : 05 PM | #50 | |||||||
عضو شرف
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
هلا وين
سيفوي اجل تبي الكرت ههههههههههههههههههههههههههههه اقول اهجد بس جبنها لحد بيتك لكن الخوف من ام منذر هز رجليك |
|||||||
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|