انا حالي مثل طيرٍ مايبغى من الوجود كنوز
سوا جنحان يفردها .. وقناعاتي تكفيني
بحس أن الفضاء شاسع تعبت بوحدتي محجوز
مابين أوراق ملتني وشكى حزني دواويني
انا يالله وش ذنبي وش اللي يجوز لي ومايجوز
مفاهيمن تلخبطنا ولا أدري وين ترميني
نسوني بالعنا واقفو وانا من داخلي مهزوز
ضعيف ولا ظهر ضعفي وخيباتي تباريني
اشوف الناس من حولي تعدي بالفشل وتفوز
وانا في عثرتي ماقمت وعدت عجله سنيني
صباح الخير بأحلامٍ غفت ولا صباحك لوز
آمانه لا غفت عيني مع طيوفه تمريني
عليم الله ما ناحت ضلوعي ولا شكيت العوز
الين الفقد ضيعنا وضاعت به عناويني
قصيدة جميلة جداً ومعبرة ورائعة وحبك وسبك
صــح لسان شاعرها وناقلها وسلمت يدينك وذوووقك
وشكراً لك يأستاذه تهاني والله يعطيك الصحة والعافية
أنت غير مسجل في منتديات الوئام . للتسجيل الرجاء إضغط هنـا
يجوز ولا ما يجوز لـ*نبض الحيارى 
