[عادل الغدير ●]

لا رحم أبو الشعر كانه فيك مايظهر=لا رحم أبو الصعب إن مالان لحسابك
لا رحم أبو الغصن الأجرد كان ماأزهر=دامه شرب من نداك ولاتروابك
عهدٍ على لا عتزل نضمه إذا مابهر=عشاق الابداع لامنه تغنابك
ياعذبة الصوت ياجذابة المظهر=ياوردة الحسن تذبح لحظة إغيابك
احدٍ يحب البها الطاغي ولايسهر=وينه وين الكرى اللي ذاب بهدابك
واحدٍ تجي له قصيده فيك مايجهر=وعذب المعاني تحلا بك وتحلى بك
وربي ورب الحرم والقدس والأزهر=اني بك اموت يامشقاي واحيابك
وإن كان في يوم صرت الشاعر الأشهر=ترى بروزي على الساحه من اسبابك
يلعن أبو الشعر لنه مانفهم يقهر=دامه وهو فيك ماهزك ولاجابك

[wafei ●]

………

…

يلـعـن أبــو الشـعـر لـنـه مانفـهـم يقـهـر
ياحياة القهرررر
وياشعر القهر
ههههههههه


مو بغريب علي هالاحساس
وكأنني اتذكر ناس تنزف لها المشاعر شعر ولاتفهم وش قلت ولا تشعر بما نزفت
وآه آه " ليتني مانزفت "ههههه



عادل
قصيدة تستحق الاقتباس من اول بيت لآخر بيت وتستحق التعليق على كل شطر وكل بيت
ولكن
لارحم ابو الصمت اذا كان في حرم الجمال جمال ولا انفهم


ابدعت
ثم
ابدعت
ثم
ابدعت


واكتفي بالتقييم


…

[فتى الجميزه ●]

عادل الغدير صح لسانك وأعتلى قدرك وشأنك وتسلم وبيض الله وجهك


على هالقصيده الجميله والرائعه حبك وسبك مثل سبك الذهب وفيت وكفيت


وصفت وأبدعت غاية الابداع يامبدع وهذا الشعر ماهو غريب على شاعرنا


الفنان والمبدع والرائـع ولاهو كثير على عادل الغدير سلمت يمنااااك ولاعدمناك


ولك أجمل وأطيب تـحياااتــي

[عادل الغدير ●]

المشاركة الأصلية كتبت بواسطة wafei

………
…
يلـعـن أبــو الشـعـر لـنـه مانفـهـم يقـهـر
ياحياة القهرررر
وياشعر القهر
ههههههههه
مو بغريب علي هالاحساس
وكأنني اتذكر ناس تنزف لها المشاعر شعر ولاتفهم وش قلت ولا تشعر بما نزفت
وآه آه " ليتني مانزفت "ههههه
عادل
قصيدة تستحق الاقتباس من اول بيت لآخر بيت وتستحق التعليق على كل شطر وكل بيت
ولكن
لارحم ابو الصمت اذا كان في حرم الجمال جمال ولا انفهم
ابدعت
ثم
ابدعت
ثم
ابدعت
واكتفي بالتقييم
…

هناك ردود تبحل فيها ويكون الرد عليها بالنسبة لي كاكتابة القصيده تجبرك للتريث فيها قبل نشرها
كاردك هذا حبيبي وافي شكرا لك لوفاءك لي ولقصائدي
ابداع اي شاعر يستمده من الانقياء شرواك
شكرا لك ولك امتناني

محبك انا

[عادل الغدير ●]

المشاركة الأصلية كتبت بواسطة فتى الجميزه

عادل الغدير صح لسانك وأعتلى قدرك وشأنك وتسلم وبيض الله وجهك
على هالقصيده الجميله والرائعه حبك وسبك مثل سبك الذهب وفيت وكفيت
وصفت وأبدعت غاية الابداع يامبدع وهذا الشعر ماهو غريب على شاعرنا
الفنان والمبدع والرائـع ولاهو كثير على عادل الغدير سلمت يمنااااك ولاعدمناك
ولك أجمل وأطيب تـحياااتــي

عزيزي الشاعر فتى الجميزه

شكرا لك على الاطراء الجميل الذي اعتز به منك ياغالي

صح كلك ولاعدمتك

تقبل محبتي وامتناني