اسعد الله جميع اوقاتكم بطاعته
المشكلة ماهيب في حرب الارهاب=ولاهيب في بوش الحقير وعناده
ولاهي في ابن لادن وتفكيره الغاب=ولا بامريكا وجيش وعتاده
ولاهيب في صدام ضرب(ن) مع انشاب=ولا بكيماوي وحرب الإبادة
المشكلة باللي شرا بعدي وغاب=وبلا وداع(ن) ساق قلبي وقاده
المشكلة لي قلب مجروح منصاب=من بعد ما اعلن صاحبي ابتعاده
واحس بي قلبين طالب وطلاب=هذا يحس وذا يعاني لبلادة
وكل ما نصحت القلب عن عشق الاجناب=قال الهوى ما به ردى او نقاده
جرحي وانا ابخص في علاجه والاطباب=مالي مع المقفين ياناس راده
مالي معاكم يا المقفين مقضاب=من عقب ما حبي نكرتوا وداده
اثر الخيانة طبع(ن) لعكف الاشناب ؟=دايم يغير سلوته مع مراده
واليا شبع من ود تلعات الارقاب=راح وهجرهن ما حسب للنكاده
مثلت لي دور الحبيّب يا كذاب=بدور البطولة تستحق الاشادة
مشيت انا لك في دروبك والاصعاب=ورديت وحدي دون اي استفادة
بعت الاهل.. بعت الجماعة والاصحاب=عطيتك اللي ترغبه وبزياده
لاجلك تحملت المصايب والاتعاب=لاجلك سهر جفني وزاد بسهاده
ورديت كل منهو عنا البيت خطّاب=لجل يتحقق معك حلم السعادة
العالم الله رغبتي كتب الكتاب=واكون لك حل(ن) حلال(ن) وداده
لكن في ليله غداالقلب مرتاب=عدا علي الموت بس.. بركادة
يوم(ن) تحطم حلم ترفتك ثم ذاب=قلب(ن) عنا لك صادق(ن) في جهاده
يومك على غفلة تلويت كالداب=لدغتني. قرصتني.. وبعماااده
واليوم انا دمعي على الخد سكاب=ولا عاد لي صبر(ن) عليك جلاده
ومن البكا رمش العيون اللذي شاب=يبكي بليل(ن) حالك(ن) في سواده
يشكي لرب(ن) ما غفل عنك او غاب=الله حسيبك ياقوي الارااده
عندي سؤال(ن) عقب فيك الرجا خاب=وش فايدتك بجرح ترفة iوغادة؟
يومك غديت لطعنه القلب جلاب=وزينت جيدي من جروحك قلادة
قلبي جريح( ن) وانت ناب(ن) ومخلاب=قلبي صويب(ن) وانت حيل تتمادى
شفتوا بان المشكلة مو بالارهاب=المشكلة قلبي صدق في وداده
الـــــــــــــــــــــبـــــــــــــــــــــــنــ ـــــــــــــــــــــدري
تحيااااااتي