$$قسم بالله ماتدخل عليها لو على رقبتي$$

السلام عليكم ورحمة الله وبركاته .....

قصيده اعجبتني وحبيت انقلها لعيون الوئام ..........



أبد .. ما جيت ابارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا ... تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك
وشاغبها إلين تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي

صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواها.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني ما تفكّـر فـي محاسبْتـي

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي

ولكن ما قدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي

سلمت الايادي فراشة الأحلام

قصيدة جميلة للشاعر الجميل / محمد عمر الشهري

إختياركِ لها ينمّ عن ذائقة جميلة

شكراً جزيلاً لكِ

تحياااتي

يااااويلي على قلبه
قصيدهـ رائعه رغم الألــم
الله يصبرنا ويصبرهـ
..
الف شكر لك
صح لسان شاعرها
وسلمت يمينك

بسم الله الرحمن الرحيم

فراشة الأحلام

السلام عليكم ورحمة الله وبركاته


إختياااااااااااااااار رائع
وذووووووووووووووق عالي معهود منك
بارك الله فيك وفي ذووووووووووووووقك
والله يعطيك الصحه والعاااااااااااااااااافيه



أخــــوك
الحسام

عزتي له

تســـــــــلم يديك .. فراشة الاحلام ..
.
.
.

آآآهـ ألم ألم..
نقل أكثرر من رااائع..
تشكري عليه أختي فراشة الأحلام..
تحياااتي لك...

محمد السبيعي ...

الله يسلم قلبك يارب على المرور الطيب ...


اميرة الجوري ....


العفووو حبوبتي .. يسلمووو على احلا مرور ..



الحسام ..

وعليكم السلام ورحمة الله وبركاته ..

الله يعافيك يارب ويخليك يا شاعر الوئام على المرور الطيب ....

سديم ...

الله يسلم قلبك حبيبتي عالمرور العطر .....

فهد



العفووووو ويسلمو على احلا مرور ....

فرفوووووووشه



أحلـــــــــى باقة ورد لاختيارك الرائع


يسلموا يا الغلا

نبووووضه ..

الله يسلم قلبك ياكل الغلاا ... ...

ويسلمووو عالورد >> استانست ... ويسلموو على احلا مرور

أغضبتي القصيدة حيييييل
ذيب المواجع