الله من زين السؤال يا ......؟

السلام عليكم
ودي اقولكم موضوع مضيق صدري من زمان ... وابغى رايكم فيه ...
منول وحنا صغار ... او نشوف في برنامج الأطفال ان المذيع (( الله من زين المذيع)) يسأل الطفل اللي عمره بالكثير ست سنوات ... وش ودك تطلع اذا كبرت ... عاد وش الاجابات اللي نسمعها من هالأبرياء ... اللي يقول اذا كبرت ودي اطلع دكتور ... والثاني يقول مهندس ... والثالث طيار ..... الخ ....وآخر شي اذا كبر صار مراسل ولا معقب
ما تعتقدون ان السؤال اكبر من عقلية الطفل ؟؟؟....
من جد ابي اجابه ...هل انا صحيح ... ولا انا مزودها حبتين :D :D :D



أخوكم العنا

هلاااا وغلاااا..العنااا.
تسلم سؤال حلوو..
هو من جد ماهومناسب يسال طفل كذا ..تعرف ليه...الحين مسكين هذا الصغير..حاط قدامه احلاام انه اذا كبر يتخرج ويصير دكتور ولا مهندس ولا طيار ...بس بالاخير يتفاجأ....لما مافي جامعه تقبله .ولا يتحقق حلمه..معليش يمكن طلعنا برا موضوعك بس هذا الكلام مرتبط شوي بسؤالك..
والف شكر لك ..

السلام عليكم

حياكم الله يا طيف وشهد

من جد يا طيف وشهد هذا السؤال مضيق صدري من جد ....الحين جاي البزر يبغى يلعب ويمبسط ... ولا يدري وش معنى كلمة مستقبل ....ولأخ ذا جايني ويسأله وش ودك تصير اذا كبرت ....والبزر ما يدري وش يقول ..... ويسمع ان فيه دكتور ومهندس وطيار .... ولا يدري وش القصه ... وجت على باله وقالها....

أخوكم العنا
:D :D :D

مــــراحب اخوي العنا

الله عليك
هذي الاسأله ولا بلاش:D شوف اخوي
بالنسبه للسؤال فالسؤال بصراحه عادي جدا
والاكيد ان المذيع بيقول للطفل
انت اذا ((كبرت) ايش ودك تصير او تشتغل؟؟؟

مــا ضنتي بيقوله بالمستقبل

لكن اخوي بالسن هذا الصلاه تكون مفروضه على هذا الطفل
معناه ان عقليته بدت تكبر مع مرور الايام
ولازم الطفل ينمو ذكائه من طفولته

تــعــرف اخوي
السؤال هذا يحط امل قدام الطفل يكون ماشي عليه طول عمره
لانه يحط في باله امنيه وممكن يمارسها من خلال اللعب مثل (الدكتور)
ويكبر وهالامنيه تكبر معه

ويعطيك العافيه
واسفه على فلسفتي
شــــــــــوق

السلام عليكم اختي شوق
اولا الله لا يحرمنا من هالفلسفه ...لأن في كثير من الأمور الفلسفه هي اللي تبين لك اشياء قد تكون ما جت على بالنا..

ثانيا انا قصدي في الموضوع يا شوق ان خلوا الطفل يعيش طفولته ...خلوه يلعب ويمبسط ....وبعدين اسأله عن مستقبلة ...

و ترى حنا عندنا احلام كبييييييييييره ...... ماتدري الا ان الواقع صاقعك بالحقيقة ....وما تلقى نفسك الا وانت تبيع جح على احد هالأرصفة


وشكرا انكم استحملتوا فلسفتي

أخوكم العنا :D :D :D

العنا 000 هلا وغلا [/COLOR]

كثيراً ما تثير مواضيع نحن غافلون عنها 00 لكنها تحمل اهمية كبيرة وتحتل مكانة مهمة في حياتنا 0
فأنت تطرقت الى شقين في موضوعك : ـ
الاول 00 وهو الامنيات فكثيراً ما تصدم اماني واحلام الطفولة بالواقع الاليم 00 اقول الاليم وانا في اشد الاسف لاستخدام هذه المفردة في التعبير 00
واسمح لي ان احكي لك حادثة حقيقية لطفلة كانت امنياتها ان تصبح طبيبة وكانت في جميع مراحلها الدراسية مجتهدة 00ولكنها بعد الصف الاول الثانوي بالتحديد وبعد النجاح منه بتفوق اختارت بأن تتخصص في القسم العمي لكن هنا عارض الأب لكونه لا يقبل بأن ابنته تتقدم للقسم العلمي لانه يعارض تخصصها المستقبلي وان تلتحق بكلية الطب 00 حجته في ذلك الاختلاط مستقبلاً وهو يعارض ذلك 00 نفذت رغبته والتحقت بالقسم الادبي ونجحت بتفوق ثم الجامعة وتخرجت ثم بعد عدة سنوات ابًلغت بأنها قد تم ترشيحها لوظيفة مع انها لاتناسب طوحها ولا ميولها قبلت بها لجاتها الى تحقيق الذات وقبل العمل بأسبوع وبعد ان اتمت جميع الاجراءات للعمل ابلوغها بأن الوظيفة لم تكن لها وان خريجة اخرى من نفس القسم حصلت عليها 00 ( طبعاً هنا تدخل فيتامين واو ( الواسطة ) التي عن طريقها تم حذف اسمها ووضع اسم آخر ) وهنا استسلمت امام ارداة الله بعد ان عملت جهدها في استرجاع تلك الوظيفة ولكن كل جهودها كانت نتيجتها الفشل 00 وآمنت بقضاء الله وقدره0

الشق الثاني : اللعب 00 فعلاً اللعب عامل اسـاسي ومهم في حياة الطفل لدرجة انه يوجد معالجات لسلوكيات الاطفال الخاطئة عن طريق اللعب 00 فاللعب عامل اساسي لنترك الطفل يعيش طفولته ويومه ولا نجعله يتمنى الامنيات ويحلم بأحلام تصطدم بواقع اليم 00 ولكن في النهاية نقول بأن المذيعين والمذيعات اعتادوا على هذا السـؤال 00 الي نتمى ان يتم تغيره 0

واعذروني على الاطالة [COLOR=deeppink]

هلا اخوي فعلا موضوعك جدا شيق يالعنا .... وانا الاحظ كثيرا من الاطفال يسألونهم هذا السؤال يجابون بكل برائه ويقول الي وده طبيب والي وده والي وده .. الخ. زين لكن السؤال هنا يفرض نفسه لماذا لايتم فعلأ الاهتمام بالأطفال ؟
بتسألوني كيف بيهتمون فيهم بقولكم بكل بساطه حيث يقومون بأخذ اراء الاطفال الأبرياء كلاً حسب رغبته بالمستقبل (( ادري انها صعبة التحقيق لكثر الأطفال)) ويحاولون ان يضعونهم بالرغبه التي يريدونها بحيث الذي يريد ان يصبح طبيب يحاولون جاهدين ان يضعونه بنفس مجموعة من يريد ذلك بالامل والاجتهاد سوف يصبح هذا الطفل طبيباً بااذن الله مادري رأي نفسي يوصل للمهتمين ... على فكره هذا اول موضوع لي بس ياليت اكون ضيف خفيف عليكم .. ودمتم بخير وفرصه سعيده

اخوكم الرابح

السلام عليكم
اختي زهرة البنفسج ....الله يسلمك ردك بالعكس جميل ومحله في قلوبنا وليس في الصفحه فقط ...
ومثل ما قلتي الله يسلمك الوضع الآن تغير وان الابن يختار والاب هو اللي يقرر....

والطفل مسكين مايدري وين الله حاطه فيه ...:D وما يدري ان وراه هموم تبي تنسيه نفسه...

اخوك العنا:D :D :D

السلام عليكم


اخوي الرابح اولا يشرفني اني اكون انا اول شخص ترد عليه وهي اول مشاركة لك..

حقيقة موضوع الطفل موضوع احس انه يبيله ناس تفهم عقلية الطفل ....


وياليت يكون فيه اهتمام لهم من قبل المسؤلين ، لأنهم فعلا يحتاجون الى معاملة ورعاية خاصة.

وهلابك يا الرابح بين اخوانك وربعك


أخوك العنا:D :D :D

السلام عليكم ورحمة الله وبركاته

حبيت اشارك معكم بالموضوع هذا .......... وانا مع الجميع بدون استثناء ولكن هل الشيء المهم ان يغير المذيع السؤال ويقول ( يا بزر رح اللعب وش لك وللاماني ) والا (يمسكه ويحسسسه أنه طفل اليوم رجل المستقبل او فتاة المستقبل ولها اهميتها)

لحظه شباب

أبي اتفلفس عليكم شووي

انا يوم اني بزر كنت اتمنى اصيررر راعي دكان حلويات واكل كيت كات وجلاكسي الين ادوخ
المهم كانت امنيات طفل طبعا من دور ما يدري ابوي والا كان انواع التكفخ .........:D

ولكن دخلت مرحله من عمري وهي مرحلة البلوغ والنضوج وهنا بديت افكر أنا وش بكون بغض النظر هل تحققت هذي الامنية ام لا .......المهم أني بديت افكر من نفسي مب احد يفكر لي

من اجل ذلك احب اقولك اخوي العنا ترى الموضوع بسيط وهو ان النهاية تكون بيد الشخص نفسه بغض النظر عن بعض الظروف الخاصه اللي يمر فيها البعض .......... المهم بالنهاية تكون انسان مسؤل وتعرف انك عضووو مهم في مجتمعك ..........

واخير اسف على الاطاله

اخوكم سلام