مدخل /
جلست اقلب اوراقي..
لقيت ايام ماضينا..
بكت عيني وبكت معها
روحي..
على ماكان يجمعنا..
"
"
"
نســـــيم البر ينعشني ونسناسه يرد الــروح
ويبهج خاطر اللي سار في ليلة(ن) خلاوية
هنا عشب وهنا ومرعى وذا ظبي العشاء مذبوح
وذي نار(ن) على كيفك وذي خيمة شقردية
وفي جمع الحطب يالهفتي ياماتحن الروح
أشيل الصوت يامحلا رفاقة صافي النية
قهاويهم لها كيفٍ (ن) يداوي علة المجروح
فناجيل الدلال اللي على ماقيل برية
سوالفهم على نهجٍ(ن) سويٍ والصدر مشروح
عد مامر يومٍ فيه قنصٍ بالهواوية
..
وذا ريح الخزامى اللي غشاهم والعبير يفوح
ربيعٍ ياعسا خيره يعم ارض السعودية
عساها من شمالٍ(ن) لين تجنب والبروق تلوح
وعقبه وابلٍ هتان من مزنٍ(ن) لمع ضيه
عسى الله يجري الشعبان بسيولٍ(ن) ترد الروح
تزيد الخير فوق الخير علوية وحدرية
سلام الله على عشبٍ(ن) على مد النضر مطروح
وضل المزن من فوقه له اشكالٍ خيالية
مخرج /
رجيت الزمن يرجع عشان امسح مدامعنا..
لقيت إن العمريمشي
وموسامع مواجعنا..
عرفت ان الزمن راحل
ولاهوبراضي يرجعنا
وللاأمــــــااااانـه منقووول