[poet font="Simplified Arabic,18,white,normal,normal" bkcolor="teal" bkimage="" border="groove,4,skyblue" type=0 line=200% align=center use=sp char="" num="0,black"]


حقيقه واضحه يا اهل الوفا من غير مانعجب
ضعيف الدين والمبدا ظهر للناس عذروبه

طيور البوم تبغى الصيد لكن مالها مخلب
لأن البوم اصله بوم في معناه واسلوبه

خفيف العقل عزيله تعلم في فنون الكذب
مريض ومنكشف حاله عجزت اعدد اعيوبه

صحيح ان المكر عاده ومن شيمتك يالثعلب
ولكن للا سف ناس ٍ ورى ضحكتك منكـوبه

ليا مني نويتك من يدي مالك ترى مهــــــرب
ومثلك لا تعرض لي يروح امشقق اجـــــيوبه

الى عدوا هل المعنى ترى من بينهم تشطب
ا شعار الفوضاويّه للذي شـــــــرواك منسوبه

انا بحقرك واهينك وابا اشبّّعك بالمقـــــــلب
لأنك صرت في هذا الزمن ضحكات وإلعوبه

ترى اسمك مايشرفني على عرفك انا مااتعب
مشيت بسكة ٍ ماهي لخير الناس محـــبوبه

وقد قال المثل احذر تصافي واحد ٍ اجرب
وانا من عادتي ما اسمع سوالف ناس مجروبه

ومادام انك بهذا المستوى مانيب مســــتغرب
كلام ٍ مصدره من عندكم به خبث واكذوبــــــه

عزيز النفس نحترمه وفي عرفه ترى مكسب
ويبشر بالذي في لازمه يوفي بماجـــوبه

احب الطيب واهل الطيب وهذي غاية المطلب
ولا ادوّر على ناس ٍٍ بها رقله ومعــطوبه

ليا منك بغيت الشر ناره فـــــــوقك بتشتب
وتبقى مثل ذاك اللي بلش ويحسّب اذنوبه

ترى في قارب الابداع تخسا مالكم مركب
بضايعكم بوسط اسواق خاسر دوم مجلوبه

حقيقه واضحه يا اهل الوفا من غير مانعجب
ضعيف الدين والمبدا ظهر للناس عذروبه





[/poet]