انتهت قبل البدااااايه قصة الحب المثيره=من ترانيم البدايه انكتب فصل النهــــــايه
لحظةٍ فجت دروووب البعد واوقفت المسيره=من عنايه قمت اسوق الرجل واعزي عنايه
لا اتجاه ولاحدووود ولاونـــيس ولا بصــــيره=مشقيٍ نفسي بنفسي من خـلايه في خــلايه
يا كثر ما كنت اصدق ( يا جعل فالامر خيره)=بس لاخيره لقـــيت ولاتغانمت البدااااااايه
والكبيره تصغر بعين الرجال اللي كبـــيره=في وجيهٍ تعكس الواقع مثل عكس المرايه
وانت ياللي معك شفت نجوم ليلي فالظهيره=ما رجيت الا الولي ثم انت لاتقطع رجايه
فيك لهفة ياس مثل الطفل والطير ومطيره=امتلي منك زعل وبحرفنه تكسب رضايه
ياكثر ما رحبت بي نظرة العين الشطيره=كنها بتقول جرب سحرها واحذر دهايه
التهي واضـــيع معها في تفاصــيلٍ خطيره=حلم مدري علم لين يصيح بي ( خلك معايه)
وارمي حبـــــال الميانه واستفزه واستثيره=لين يسمعني جوابه ( حل ياخي عن سمايه)
آه يا سيف الصميله من يمينك يالمغيره=وآه يا جهل التجافي فيك ياعصر الهدايه
وآه ياليل الهجاد من اوله لا حد اخيره=يبتدي عند البشر راحه ويبدا بي شقايه
قشه وطاحت على الجمال واركبها بعيره=ليه جمّال الاسيه ما حفظ حق الحمايه
ليه يا جمّال يوم السالفه سهله يسيره=ليه يا مال الشحم ما اخفيتها بــ كم العبايه
ليه ما خففت حمله وانت تسمع في هديره=ليت مايرجع هديره فــ اخر ايامه حكايه
يا نصاب السيف لا تنسى وتغفل عن جفيره=وان نسيته صار ذنبك لاتقول انه خطايه
اعرف انك صلب راس ولاتحزّم بالقصيره=وانت تعرفني بعد لي فالصلابه رفع رايه
فضها ياهيه يابن الناس يالمغرور سيره=لاتذاكى وانت ماتعرف حدودك مع ذكايه
كم تماديت بخطاك وفاح صدري من زفيره=وطاح حبك بس شامت عن طحن حبك رحايه
والاهانه ماتساق الا على النفس الفقيره=واعرف اني لو خضعت لرغبتك هذا جزايه