 |
 |
|
 |
|
أسْتحْلفك بالله يا ضيّ القمَر , خلّك هنا
حذْراك تتْركني على حدّ المواجع والسّهر
أبغاك لو شحّ الضّيا , تملا سكوتي بالغنا
ظلمى مشاويري وانا ملّيت من طول السفر
ودّي بضحكة , كفّها يقضب تلابيب العنا
أقتل بها الأحزان , واترنّم معا صوت المطر
وإن طلّت يا ليل الشقى, يبقى مردّك للفنى
موعد وفاتك تنكتب فيه الحياه إللي تسر
من لايذوق الهمّ , ماذاق الفرَح وإلا الهنا
لولا سواد الليل ما شفنا ملامح للبدر
أول مراسيل الغيوم , الممطرة برق وسنا
والمسألة ياصاحبي , تحتاج لشْويّة صبر
من طينة الآمال , شيّدنا .. جسَد لأحلامنا
لو ضاقت الدنيا بها , عشنا هواها في الصدر
.
.
.
محمد منصور |
|
 |
|
 |
راااقت لي كلها صح لسان شاعرها..
ملكة الاحساس بحق انتي راائعه ..
ودائم تنقلين الافضل وهذا يدل على ذائقه رفيعه.
سلمي لي عليييك وعلى ذووقك الراقي..