هذه قصيدة لعبد الرحمن بن مساعد ...يقول فيها :

اجهلــــــــــــــك......

اجهلك..ولي سنين ..
اتخيلك..
اتمثلك في كل طيف..
والقاك في قسمات ضيف..
كل المشاعر تقول..
حنا هلك...؟
اجهلك..ولي سنين ..اتخيلك..
القاك في بعض الوجيه..
ويمرني طيفك واجيه..
يا باكر اللي اجهله..ارقتني الاسئلة..
وابطى العمر يستعجلك..
اجهلك ..ولي سنين ..اتخيلك..
بالعيوب وبالمزايا..
بالالم لا من هجرت..
يجتاح بي ظلوع وحنايا ..
اتخيل شكوكك وظنك..
اتخيل التقصير منك..
حتى الجفا اتخيله..
وكيف انا بتحمله..
واتحملك..
اجهلك ..ولي سنين اتخيلك..
ووجهك اللي قد حبسته ..
داخلي ..فغمضة عيوني ..
واللي ياما قد رسمته..
من عبث طيشي وجنوني..
وجهك اللي دوم يظهر ..
لما القى نشوة الفكرة الجديدة ..داهمتني..
لما القى انكساراتي قصيدة واكتبتني ..

والقصيدة تطول بس هذا اللي حافظته ..