السلام عليكم ورحمة الله وبركاته
فكره رائعة اخوي محمد القحطاني .....
وأعذروني على التأخير في الرد معاكم .....

أخواني من ناحية السعودة أنا معاكم أنه في ناس ما يرضون أنهم يشتغلون في مثل هذي الوظائف مثل المزارع أو السائق أو العامل ....
أخواني رأيي أنا في السعودة أنها شي طيب ولازم نحرص عليه ونساعد في دعمه .... وهذا كله في النهاية يرجع لمصلحتنا ....
ليش ما تكون الأموال اللي نذهب للخارج من العمالة تكون لنا حنا ونستغله في مصلحة الوطن ....
وأنا زي ما قلت في الأول أنه في ناس ما يرضون بمثل الشغل هذا في بعد ناس بالعكس يفضلون الأشغال هذي ....
بالنسبة عني أنا شخصيا فني أتصالات عملي يكون في تركيب أجهزة أتصالات وتصليح الأجهزة وتركيب الكيابل الخاصة بالأحهزة
وطبعا تعرفون أن تركيب الكيابل راح يكون وراه غبار وزيوت وشل هذا وحط هذا وبمعنى ثاني عملي مثل محلا ت الأجهزة اللي فيها الأجانب
ولكن في دائرة حكومية ... ما قلت لا ما بي مثل الشغله ذي بالعكس أنا كنت أهوى العمل هذا ولا ني ماني مستحي أني أشتغل العمل هذا ....
ومو بس أنا معاي في العمل أخوان في مهنة كهربائي وفي مهنة عامل وفي مهنة سائق ولحام وسباك وكل هذولا ما قالوا أنهم مستحين من العمل
بالبعكس تراهم سعداء في أداء عملهم وكل واحد يساعد الثاني إذا كان يقدر أنه يساعده .....
أخواني أعذروني يمكن ثقلت عليكم بكلامي هذا وأني تكلمت عني نفسي بالموضوع ....
ولكني وجدت أنه من طبيعة الكلام اللي رايح نتكلم عنه .... فجبته لكم من ضمن الموضوع ....
وأنا أتمنى من جميع الاخوان انهم ما يترددون ولا يستحون .. بل تكون عندهم الهمة على أداء مثل هذا الأعمال وأنهم يساعدون كل من يريد أن
يعمل مثل هذا العمل .... وش فيه السواق ... فيه شي إذا كان الواحد يسوق ليموزين بالعكس هذا كسب رزق وعمل شريف ...
ليه تبونه يجلس بالبيت بدون عمل لين ما يجيه العمل الي يقول أنه هذا هو الزين ؟؟؟ وهذا هو اللي ما أستحي منه ؟؟؟؟
أخواني أعذروني مره أخرى للإطالة في الكلام اللي الظاهر أني أتعبتكم به ...
واللحين أترك المجال للاخوان ...