شفت لي موقف وصورته على حسـب اعتقـادي = وكل شاعر حسـب مقـدوره بماجـوده يجـودي
الفلـوس تجاهـد المخلـوق قــدام الجـهـادي = واخر الايـام يمكـن يتجـر الشعـب السعـودي
كل مـا جـا الاكتتـاب بسهـم زاد الاحتشـادي = من صبـاح الله صفـو مثـل طابـور الجنـودي
ناس من زود الشفاحـه تجمـع كـروت العبـادي = تخـدع العالـم بكثـر الهلـس ولسـان هبـودي
لعلنو عن سهـم يمكـن يكتتـب جـاك امتحـادي = وقام قدمـك يشتمـت حظـه وينخـا بالجـدودي
كنهـم قـدام بـاب البنـك عمـدان الـجـرادي = ولا كـفـا مابالسعـوديـه تـعـدو للـحـدودي
في قطر وصلت ليا القـوه ومسـك(ن) بالايـادي = احشروهم وسط ملعب سلمو من عيـن الحسـودي
والامـارات امتلـت فيـهـم وزاد الاقتـصـادي = فالفنادق والشقق واللـي علـى الشـارع رقـودي
والسهم في كل شركـه كـل يـوم(ن) بزديـادي = وكل يضارب بالاسهم حتـى سمحـات الخـدودي
فيهـم اللـي مستفيـد وفيهـم اللـي مستـفـادي = وفيهم الغبي الحريص وفيهـم الذكـي الشـرودي
وفيهـم اللـي جابـو الاعيـاد قـدام العـيـادي = طـول عمـره متـزن لكـن هقوتـه الوعـودي
باع ما يملك من الدنيـا الغشيـم وجـاك غـادي = وطاح في برميل منـدي مـن براميـل الزيـودي
كل(ن) مشمر تقل فـلاح فـي وقـت الحصـادي = والنتيجـه فالنهـايـه يـاوجـودي يـاوجـودي
ماجنا المكسب سـوى الشبعـا كبيريـن الفنـادي = عاشقين المـال عشقـن جـم وكبـار العضـودي
احـدن يخشـى الربـا لنـه مــرده للنـفـادي = واحد يجيز السهـم لـو كـان بالديـن اليهـودي
وسط صالة عرض بعض احيان هفهاف وبـرادي = ونوب من زود الزعل حر(ن) كما حـر الوقـودي
وسهـم سابـك والدوائيـه وسـهـم الاتـحـادي = واللجين وسهم طيبه في هبـوط وفـي صعـودي
لاتشـوف بضاعـه ولافـيـه دلال(نٍ) يـنـادي = مـره العالـم وقـوف ومـره العالـم قـعـودي
لـو تمـر قدامهـم غديـت معهـم فـي جهـادي = كل(ن) يهبيـك مـن عنـده وبيحـت السـدودي
كنهـم وقـت مبـاراه يشجـعـون الاتـحـادي = ضـد الاهلـي والحكـم ظالـم لعلـه مايعـودي
ياقفـون بكـل هجمـه ضدهـم والا انـفـرادي = والدفاع يصارع الكـوره عـن المرمـى يـذودي
والهواميـر الصغيـره كـن داخلـهـا عـنـادي = ما كفاهم ما جنـوه طموحهـم ربـح(ن) يكـودي
غرهـم زود السهـم لكـن قافيـهـم هـجـادي = مقتفيهـم ليـل(ن) اسـود لا مفـر ولا محـودي
لفهـم هامـور الاسـهـم يامقاسـيـم النـكـادي = واصبحو روس(ن) توامـا كنهـا روس الهنـودي
ياقليـل العـرف ليـش تضيـع دروب الرشـادي = اعتقد منتـه علـى ماصـار مجبـر ومحـدودي
قالها اللـي ماملـك لـه غيـر سبعـه فالبـلادي = والهواميـر قعـدو لـيـه بسهـمـه لايــزودي
ولجلـهـا مغـيـر اردد يـابـلادي يـابـلادي = ويمكن اتجر واغتني لو يتجر الشعـب السعـودي
شاعر(ن) واهوى الخواضه ما اعرف طعم الزبادي = وسجة فالبـر عنـدي خيـر مـن عـد النقـودي
سعود القت
.
.