تبختري مالك شبيه(ن) يحاليك = أنتي شموخك غير عن كل الاحباب
أبيك أنا وأبيك وأبيك وأبيك =القلب من شوقه على شوفتك ذاب
بيني وبين النفس افكر واناديك = لاغبت ضاق الصدر والكيف ما طاب
احتاج همساتك ولذة حكاويك = محتاج افسر حكي خجلات الاهداب
واحتاج لأنفاسك واساهر لياليك =وابي بنور الصبح نظره وترحاب
ومشتاق انا لعطرك وظمة اياديك =واللمسه اللي مثلها الحظ ماجاب
الله لو بعد البطى يالغلا اجيك =واستر بك ياسييد تلعات الارقاب
تستربك عين(ن) من البعد تبكيك =من كثر ماعانت وكم ظنها خاب