ياهجوسي جاوبيني ليش دنيانا يتيمه؟ = لانويت أسري مع البابور في داج الظلامي
رغبتي سبّاح فالسبع البحور المستقيمه = لكن اليد القصيره ماتساعدها العظامي
الجريمه ساقها الجاني وسمّوها جريمه = واسمها مايختلف لو غيّروا كل الأسامي
والظليمه نزع حق بدون حق أصبح ظليمه = والليالي مرّها يسبق حلاها بالنظامي
والمواقف والشجاعه غير بنفوسٍ حكيمه = والكرم والعز دايم مسكنه عند الكرامي
والرحى لو تستدير اليوم ماتبقى هشيمه = فوق سطح الأرض مامرّت على الحر القطامي
السليم يضيع قبل يعلّموه شداد ريمه = لو ورد عد العيون بيرجع المقرود ظامي
مابقا الا بصمة الإبهام (توقيع القسيمه) = عند ذاك الخط الأحمر تحت مردود السلامي