[c] تحذير
.......
يمنع منعاً باتاً نسخ أو اقتباس أي جزء من هذه المذكرات دون إذن خطي من كاتبتها ..
.....


تنويه

لم تكن المتعة فقط هي هدفي من الكتابة ولن تكون , فمثلي قد رسم
لنفسه أسلوباً في العيش والحياة , أردت أن أعيش بعين مفتوحة , ناقدة , يسير بأمرها قلمي ..
ولن يكون لي هدف ومغزى غير الإسهام فعلياً في التصحيح ..
مذكرات طالبة جامعية , ماهي إلا فلاشات أسلطها على أكثر القصص غرابة , وأشدها إيلاماً ..
لن تكون غير تصوير حي لما يجري في وسط عشت فيه الآن مايقارب الأربع سنوات ولا زال مشواري فيه طويلاً ..

مذكرات طالبة جامعية , هو صوت فتاة ترى وتسمع وتعي تماماً ما يجري حولها ..

مذكرات طالبة جامعية , ليست حملة إعلانية , تروج ما سيطرح فيها من سلبيات ..
بل هي مبضع جراح يشق الجرح ويتمنى أن يساهم في تطهيره ..

فمن سيلتهم كلماتها ليؤولها لأهداف مريضة , لا مكان له هنا ..

ودمتم ودام النقاء ..


.........

سلسلة مذكرات طالبة جامعية
(1)


وردة حمراء
[/c]


برغم كل اللي صار لي أول يوم إلا إن الحماس داخلي ما انطفأ , أو هو في الحقيقة ما كان فيه مجال أنه ينطفي , لأنه عندي قناعة تامة أنه ما فيه شي سهل على الإطلاق وقالها دايم السيف : الزين غالي لكن الأزين أغلى ..
وكمان لأن معنوياتي و طموحاتي في ذاك الوقت أكبر وأقوى من إنه ريح وحدة تهزمها ..

مرت الأيام الأولى على المستوى الدراسي برتابة وبشكل طبيعي جداً , من محاضرة إلى محاضرة , ومن قاعة إلى قاعة , ومن مبنى إلى مبنى ..

من حسن حظي وحظها كمان إنه نزل اسمي في نفس المجموعة اللي نزل فيها اسم (( ملاك )) , وبالتالي صار توقيت كل محاضراتنا مثل بعض , يعني ما عانيت من مشكلة الوحدة في الجامعة , ولا كنت أحس إني ضايعة وأنا لحالي ...

وقادتنا الظروف لملاقاة بنت غاية في الأخلاق والرقة و خفة الدم ..
في محاضرة ((101 ريض )) كان فيه شعبة ثانية بالإضافة إلى شعبتنا , وفي وحدة من هالمحاضرات جلسنا أنا و(( ملاك )) وجلست جنبنا بنت ما سبق وإن تعرفنا عليها قبل ..
كانت تكسر الخاطر , من جد ما أحب أشوف أحد جالس لحاله ويحس بالضياع ..
وبالنسبة لي أقدر أميز نظرة الحرمان في عيون الوحدة اللي مالها صديقات (( بدينا شماتة .. ياويلي لو تقرا هالكلام )) ..
باين إن البنت هذي أول مرة تحضر محاضرة للريض .. وكنا بالأسبوع الثاني من الدراسة ..
بعد نهاية المحاضرة طلبت مني المحاضرات السابقة بكل أدب وذوق ..
وبعد ما أعطيتها الملف , سألتها :
طيب ممكن أعرف اسمك ؟

هي : اسمي دينا ؟

أنا : أنا الشمس , وهذي صديقتي ملاك ..
طيب شرايك تجين معنا الحين لو ما كان عندك محاضرات .. ؟

دينا : أنا عندي بريك ساعة , ويسعدني أجي معكم ..

.....
ومن هنا كانت البداية , ويوم بعد يوم عرفنا (( دينا )) كويس , وتأكدت بعد إن نظرتي في الناس ما تخيب .. ((دينا)) هذي طلعت لؤلؤة , درة ما تقدر بثمن ..
ومين قدي .. عندي (( ملاك )) و (( درة )) ..
يعني إحنا شلة بمواصفات عالية ..

وبالرغم من إني حبيت هالبنت بقوة .. إلا إننا ما نترك المناقر أبد أبد ..
لا هي اللي تخليني في حالي ولا أنا إللي أخليها في حالها ..
ونمسك بعض عالوحدة ..

خلال الأسبوع الثالث من الدراسة , واحنا في طريقنا للمبنى اللي فيه محاضرتنا مرينا على شلة بنات , وأول ما قربنا منهم وانتبهوا لنا نمشي حولهم , قامت كل وحدة تبتسم للثانية , ونظراتهم تروح وتجي على وحدة منهم شوي وتتقطع ما أدري وش منه بالضبط |15|..
شوي إلا تجي قدامنا بالضبط , وابتسامتها من الإذن للإذن , ووجهها مثل لون الوردة اللي معاها , ومدت يدها لي بوردة حمرا !!!!
دينا : كحححح كحححح كححححح .. يالله وش ذا الغبار .... !!!

أنا : !!!!!
عسى ما شر ؟!

البنت : هذي لك|5| ..

أنا : والمناسبة ؟

البنت : أبد معجبة فيك وحبيتك من يوم ما شفتك |15|...

أنا : شكراً , بس دوري لك أحد غيري لو سمحتِ ..

البنت : بس أنا ...

دينا : بس إنت بتبعدين الحين من طريقنا , لأنه ورانا محاضرة ألحين|12| ..

البنت : لا أنا ..

ملاك : انت ايش ؟
يالله لو سمحتِ لا تعطلينا |12|..

...
وبعد ما مشينا بعيد عن هالبنت وشلتها ..
أنا : يعني ما خلصنا من هالقصص احنا |11| ؟
على بالي بنات الجامعة أكبر وأعقل من قصص الإعجاب اللي مالها داعي هذي

دينا : يا حبيبتي هذي مشاعر وعواطف ما تختص فيها فئة عمرية عن الثانية ..

أنا : ايه , مابقى الا تقولين ليه كسرتِ بخاطر اللي يحبك ولا عطيته وجه !!
مشاعر إيش وعواطف ايش .. فيه شي اسمه عقل , تفكير , مخ ..

ملاك : (( الشمس )) حبيبتي .. دينا تقصد أنه العمر مو هو اللي يحكم مثل هالأشياء ..

أنا : مو العمر , بس فيه حاجة اسمها نضج , أبعاد فكرية ..

دينا : وهذي اللي تقولين عليها ما تجي بمجرد إن عداد الأيام يمشي ويزيد ,
النضج يتطلب أشياء أكثر , وأحيانا ممكن يتطلب صدمات أكبر ..
هي حست بشي يتحرك جوا صدرها ولا عرفت وين توديه ..

أنا : طيب كلنا بنفس العمر , وتقريباً بنفس الظروف , يعني لا مرينا بصدمات ولا مواقف غير عادية ..
ليه ما صرنا مثلها ..
كل القصة يا حبيباتي إن فيه ناس ما تبي تفكر بعقلها .. ما تبي تسوي من نفسها شي ..
تبي تغلط , وترمي الغلط على الظروف واللي حولها , بناء الشخصية في هالعمر يتوقف على الشخص نفسه وبس ..
كل هاللي قاعد يصير أسميه أقصى درجات الغباء ..

ملاك : طيب هدي أعصابك ما فيه شي يسوى ..

دينا : العصبية مش كويسة عشان صحتك , وسعي صدرك وماعليك منها ..

ملاك : الله يصلح بنات وشباب المسلمين يارب ..

...
في هذي الأثناء كنا وصلنا للمبنى المقصود ووقفنا في البهو ننتظر الأصنصير , وطبعاً هنا مكان مناسب جداً للوحات الإعلانات , لأنه فيما البنت تنتظر الأصنصير يوصل لها , يمديها تقرا الإعلانات وتحفظها وتسمعها بعد .. من ضمن الإعلانات قرينا واحد يقول :
تعلن إدارة الأنشطة في الجامعة عن إقامتها حفل التعارف للطالبات المستجدات ..
مع تحيات .. مديرة الأنشطة ..

دينا : بدري , على إيش مستعجلين |105|؟!

ملاك : يمكن فتحوا التسجيل من جديد |14|!!

أنا : بنات اسمعوني زين .. أنا عندي لكم اقتراح ..
لازم نقطع على أنفسنا وعد , ولا وحدة فينا تسمح للثانية إنها تخل فيه .. !!!

دينا : خير إن شاء الله ..

أنا : خلونا نقطع الرجا فيهم .. ولا نرجي منهم شي يسوونه عشانا .. لازم نعتمد على أنفسنا , ولا نامل منهم شي أبد الآبدين ...

دينا : شدعوة ... يعني بتنجحين من دون ما ينجحونك يا فيلسوفة زمانك ؟!

أنا : ما يقدرون ما ينجحونا لما نسعى للنجاح ونسوي كل اللي علينا يا حبيبة ماما إنتِ

دينا : إلا يقدرون , يقدرون يسوون كل شي بس انتبهي لنفسك ..

أنا : أقول لك ما يقدرون , أنا ما قلت لك نروح نسوي جريمة .. كل اللي قلت إنه ما ننتظر منهم شي ...!!

دينا : طيب , تراك تخوفين إذا عصبتِ ..

أنا : أدري عشان كذا عصبت|17| ..

ملاك : طيب إنتِ وياها أكيد ما تدرون إنه ورانا محاضرة ألحين وتأخرنا عليها دقيقتين ..

دينا : ارحمينا يا بغ بن , لكن هالمرة متأخرة دقيقتين |14|..

ملاك : طيب طيب .. ما أحبك ..

أنا : يا الله (( دينا )) وريني كذا أشوف |1|..
أكيد ما فيه أحد قال لك إنك سمنانة ؟!

دينا : لا محد قال لي .. ليه أنا سمنانة ؟

أنا : يوووه مرة , تعالي نطلع الدرج عشان تنحفين ..
يالله بسرعة لا ننطرد ..

دينا : طيب أنتم متأخرين , تنكدين علي أنا ليه |8|؟

ملاك : حقك وماجاك تستاهليـــــــــــن ..

أنا : معليش (( دينا )) أنا آسفة بس شسوي , المحاضرة كانت بتفوتنا |10|..

....
وصلنا القاعة وكان نفسنا مقطوع , نتسحب ونمشي بهدوء كله عشان ما نزعج سعادة الدكتورة الفاضلة ..
وهالمرة جلسنا بالأخير .. يعني مرتع البنات الحلوات اللي يحضرون عشان يفهمون , ومو عشان الحضور والخوف من الحرمان بس ..
وكانت هالمحاضرة ما تتنسي بالنسبة (( لدينا )) , كأنه هاليوم مقدر أنه ما يعدي على خير بالنسبة لشلتنا ..
جلست (( دينا )) جنب بنت أعلى درجات التكلف في الأناقة والميك أب كامل .. وشوي وبتتقطع من الرقة والكلام بالياااالله يتلع ( يطلع ) من بين شفايفها ..
وطول المحاضرة هي وياها كلام , وأشوف (( دينا )) مرة منسجمة ومتحمسة مع السوالف , ما أشوفها أبد تتكلم , بس تسمع ..
أنا : دينا .. دينا ..

دينا : هااااه .. نعم .. يعني إلا تزعجيني .. ؟!!

أنا : خير إن شاء الله .. انت جاية تنتبهين ولا تسولفين ؟

دينا : سالفة ما تتعوض .. ما عليك انت بس , واكتبي زين عشان أصور منك المحاضرة بعدين ..

أنا : (( دينا )) هذي رياضيات , ما ينفع لازم تفهمين ..

دينا : لا يا شيخة , من متى فهمنا على دكتورة من الدكتورات وهي تشرح ؟
نص بالمية منهم تفهمين عليهم وقت المحاضرة ..
اكتبي وبعدين نعتمد على نفسنا في الفهم ..

أنا : تامرين طال عمرك .. !!!

...
مو حب في (( دينا )) ترى ؟
بس أبيها تسمع زين عشان تقول لي السالفة اللي ما تتعوض بعدين , وحدة بوحدة |118|..
وكمان لأنها صادقة مية بالمية في كلامها عن الدكتورات , أصلا احنا جالسين ورا , يعني مافيه أمل نسمع , فما بالك بالفهم ..


.....

وش السالفة اللي كانت تدور بين (( دينا )) والبنت الغريبة ؟
وش صار مع البنت المعجبة صاحبة الوردة الحمراء ؟

.....


كل هذا رح نعرفه في الحلقات القادمة ..
فكونوا معنا ..


الشمـــــــــس |117|