22 / 02 / 2015, 29 : 01 AM
|
#1
|
" شاعر " 
|
|
|
+
رقم العضوية »
53052
|
|
+
تاريخ التسجيل
»
21 / 05 / 2011
|
|
+
الجنسْ
»
|
|
+
الإقآمـہ
»
|
|
+
مَجموع المشَارگات »
7,155 |
|
+
معَدل التقييمْ »
10672 |
شكراً: 3
تم شكره 128 مرة في 119 مشاركة
|
ألاجواد واجد والمراجل لها كساب
من روائع الشاعر عبد الله ابن شايق رحمة الله عليه
هذه القصيدة وهي مليئة بالحكم والأمثال
الأجواد واجد والمراجل لها كساب
... لكن واعد العشرة ليا صرت جمالي
يطير الشرار وكل نارٍ لها شباب
... ومن ولع النيران يصبر على الصالي
تجارب حياتي معجزة والدروب أصعاب
... ولقيت الرجال انواع والوان وأشكالي
صديق الشدايد ما خذا منك علم وجاب
... وسيع الصدر يضحك ولا هو بزعالي
صديق الشدايد لا ينافق ولا يغتاب
... يدله غريب الدار ويزين الجالي
وصديق الرخى عقاب ومصادقه عقاب
... شجاع الحكي والمدح بالقيل والقالي
وصديق الرخى ما غير صورة ولبس ثياب
... ياليته يبرقع ماله شماغ وعقالي
وعندي نصيحة جد ماقلتها لعاب
... وأقول الصحيح ونايم القلب يصحالي
ترى خوة أهل الطيب يالطيبين أطباب
... يطيب السقيم وخوة الاش سلالي
تغانم شبابك يا أبيض الوجه دامك شاب
... ترى البدر لو يطلع قمر عود أهلالي
فلا تهجر المسجد وخلك ورى المحراب
... ترى روضة المسجد لها منزلٍ عالي
ولا تترك اللي يزهمك خايفٍ مرتاب
... ترى الذل ما نجى الثعل با لتحيالي
ولا للندى غير الفدى لو تروح أرقاب
... ومن ضاع شوره يا خذ الشور وإيمالي
ومن با شرك بالعذر لاتلحقه بعتاب
... ولا تشوف نفسك شيخ والناس عمالي
ولا تهين نفسك لو تجي بين ضرس وناب
... وهيبتك لا تنقص ولو ربع مثقالي
وبنت الردي لا يعجبك زينها الجذاب
... تراها كما المخيال خيل وتخيالي
ولو شفت حمر خدودها والثمان أعذاب
... لا بدك تمنى ليت ما جالك أعيالي
ولدها لياشاف النقى والملاقى هاب
... ذليلٍ بخيلٍ فيه خفخاف وجفالي
أخذ بنت قرمٍ طيبٍ ساسها ما عاب
... تـنـومسك بنت الشبل ويجيلك أشبالي
أعيال الذياب تصير مثل الذياب أذياب
... وعيال الثعالب مثلها زهر الاذيالي
وفرخ الصقر مثله وفرخ الغراب غراب
... وبوم الخراب ايقابل العش ويلالي
ليا صار راسك فوق يا طيب الا نساب
... فلا ينحني قدام رجلين ونعالي
لكن الله اللي يكتب الرزق يا خطاب
... هو اللي يفك الباب ويقص الا قفالي
ولا يهمل الا واحدٍِ عايف الاشباب
... ولا ضيع أحقوق البشر غير الا همالي
وترى للقصايد كيف والكيف له شراب
... وانا ما أشرب الا كيف راسي بفنجالي
ولا أطاوع الجاهل ولا أجامل النصاب
... أقدم يمين الحق واحط معـدالي
ولا ني بو الله طيبن له مع من طاب
... ومن طاب لي برخص له الحال والمالي
أكذب وانا خابر واجامل وانا كذاب
... سنينً مضت هي صدق والا يورالي
تلخبط جهاز المخ وانهارت الاعصاب
... وفورت دمي وارتفع ضغطه العالي
لكن في رجى اللي من رجى رحمته ماخاب
... هو الواحد العالي وهو ربناالوالي
وهو الخالق الرازق وهو المعطي الوهاب
... له الملك كله والكمايل والاكمالي
رئوفٍ رئيفٍ رحمته تنقذ المنصاب
... يغيث الديار الممحله عقب الأمحالي
شديد العقاب ويعتق المذنب اللي تاب
... عسى ما يوخذنا بسيات الاعمالي
كما قاله الله فأصبروا يأولي الألباب
... ترى الصبر زين وكلمة الحق تنقالي
واصلي واسلم عد ما تنبت الأعشاب
... وما لاح براقٍ سرى يشعل أشعالي
على المصطفى اللي وحد الدين والأحزاب
... شفيع أمته يوم الهوايل والأهوالي
|
|
|
سبحان الله وبحمده
سبحان الله العظيم
|
|
|
|