11 / 08 / 2012, 14 : 10 AM
|
#1
|
مشرفة عامة ![](http://www.alweam.net/f/tamyouz.gif)
|
+
رقم العضوية »
46606
|
+
تاريخ التسجيل
»
17 / 12 / 2009
|
+
الجنسْ
»
![](images/misc/https://twitter.com/shoaa20131.gif) |
+
الإقآمـہ
»
|
+
مَجموع المشَارگات »
8,420 |
+
معَدل التقييمْ »
2358 |
شكراً: 14
تم شكره 41 مرة في 37 مشاركة
|
حـس شـايب .. :(
ما للبيوت العامره طعم يا حمــــود *** إذا خلت في يوم من حس شايـــب
بيبانها طرما وجدرانها ســـــــــود *** يصفق نوافذها قوي الهبايـــــــب
في كل ركن لحزنها اثبات وشهود *** على فراق مهونين الصعايــــــــــب
النادرين أهل الشرف منقع الجــود *** شيباننا اللي يحسمون الطلايــــــــب
إخوان من طاع الولي خير معبــــود *** اللي مكارمهم من الله وهايـــــــــــب
ما يعرفون الزيف في اليسر والكود *** صدق وبياض ورحمة للقرايــــــــب
ثباتهم في حزة الضيق مشهــــــــود *** وإيمانهم يزداد عند المصايـــــــــــب
كانوا هنا .. وكان السعد ماله حدود *** وكان الرضا يملا قلوب الحبايــــــب
كانوا هنا .. مفاخر آباء وجـــــــدود *** نور وأمان ووقفة فالنوايــــــــــــــب
واليوم كل اللي مضى صار مفقــــود *** ولا بقى غير الجروح العطايـــــــــب
يا حمود لو أبكي سنه حزن واجــود *** بدموع فقد من عيوني سكايـــــــــــب
على الذي ذكره مع الناس محمــــود *** الطاهر اللي مثل وبل السحايــــــــــب
أبوي .. وانت ادرى ولا بالحكي فود *** ما يندمل جرحي ولا الكيف طايـــــب
الوضع غير وما به سهود ومهــــود *** من يوم خليناه حدر النصايــــــــــــب
نهار غابت بسمته ذابت كبــــــــــــود *** وشفنا ما عفنا في زمان العجايـــــــب
ليت المنايا لا لفت تطلب الـــــــــزود *** ما تاخذ الا الناقصين الزلايــــــــــــب
روس كساها الشيب ما صانت عهود *** ومن ظن فيها يصبح الظن خايــــــب
هراجة المجلس حجا كل مقـــــــــرود *** بياعة الذمه بسوق الجلايـــــــــــــــب
الرجل فيهم له عضلات وزنــــــــــود *** هيكل فحل والقلب فالغي ذايــــــــــــب
ذليل .. لا يحذف ولا يجمع حيــــــــود *** نقص على الأجواد حاضر وغايــــــب
يا الله يا معطي العطا غير محــــــدود *** وإيماننا بك ما دخل به شوايـــــــــــب
إجعل مقر ابوي في ظل ممـــــــــــدود *** بجنات عدن أم الغصون الرطايـــــــب
وأحسن عزانا فيه يا خير معبــــــــود *** لولاك ما نصبر بلا حس شايـــــــــــب
سالم بن صليم القحطاني
القصيدة منشدة بصوت فهد بن محفوظ
:
http://youtu.be/YR3EiyvJHA4
:
|
|
![](alweam/images/tw.png)
|
|
|