08 / 07 / 2010, 42 : 02 AM
|
#23
|
|
عضو شرف
|
|
|
+
رقم العضوية »
62
|
|
+
تاريخ التسجيل
»
19 / 04 / 2001
|
|
+
الجنسْ
»
|
|
+
الإقآمـہ
»
|
|
+
مَجموع المشَارگات »
1,570 |
|
+
معَدل التقييمْ »
518 |
شكراً: 0
تم شكره 0 مرة في 0 مشاركة
|
رد: [ وريـــــقات مـــن ورد ] ..تفضلوا ..!!
السلام عليكم ورحمة الله وبركاته
النرجس :
- موقف في المدرسة ...
أفتكر كان يدرسنا مدرس مضطرب نفسيا وعنصري لفئة من الناس دون غيرهم ... المهم كنت طالب متفوق ..
كان المدرس دا مدرس دين وعمره ما شرح أي درس طول السنة ... وكان أحد المدرسين في مادة تانية يخليني أنا الي أشرح وأعطي الحصص للطلاب ....
وكان المدرس هدا الي يخليني أشرح الدروس يحبني مرررررررة فحصل يوم انو كتب قصيدة يمدحني فيها ... فجا عندي الفصل في الخمسة الدقايق وزهمني يقولي القصيدة ... وللأسف كان المدرس الي بعده هو مدرس الدين ... مدرس الدين شافني مع المدرس التاني برا ... ففضل برا الفصل يدخن يستنى لين ما أخش .... وبعد ما رجعت سلمت عليه وخشيت .. فطبعا المدرس فضل يقول لمدرس الدين عني ويمدح في وسمعه القصيدة كمان وقاله تراه بيريحني كتييير ويشرح الدروووس ...
دخل مدرس الدين وقالي قووووم ... قوم اشرح درس اليوم ...ههههههههههههه
استغربت منو .. اش هو درس اليوم أصلا ... ما أخدنا حاجة من بداية الترم ...
المهم قمت وشرحت أحد الدروس .... وكانت حصة حديث وأنا شرحت توحيد ...
المهم بعد خلصت قام يهزئ في ويقول دا وانت الاستاد جالس يمدح فيك ويقول مافي زيك ... اجاس بس أنا حاعطيك الشهر دا صفر من 15 وطلع دفتر الدرجات وحط صفر ...
قام نادى على الطالب الي ترتيبه التاني ع المدرسة وقاله قوم انت أحسن منو قوم اشرح الدرس ...وحاعطيك الدرجة الكاملة ...
الولد مسكين طبعا كان من الفئة الي ما يحبها الاستاد .. بعكسي أنا ...
فقام الولد يشرح وأفترك انو شرح حديث ... وفضل يتكلم وبعد ماخلص .. قاله الاستاد اجلس يا حمااااار انت التاني حتى انت ما تعرف تشرح بعضه حاعطيك صفر ... وطلع دفتر الدرجااات واعطاه صفر ... وخرج سيجارة وجالس يدخن ... وقال ناموا ... ما ابغى أشوف أحد رافع راسه... المهم جا قالي ارفع راسك وجالس يكمل تهزئ في.. وأنا مو راضي أطل فيه ولا أكلمه ....
المهم ما أطول عليكم بس ما انسى الموقف دا الي ورطني فيه ابو قصيدة الله يسامحه
-موقف لفراق عزيز : بصراحة أنا في حياتي ما فارقت عزيز أبدا ..
موقف للقاء حبيب : لما رجعت أول مرررة للسعودية ..
- بصراحة أنا ما أتراجع عن رأيي بسهولة .. رغم اني أتنازل دائما للجميع ...
ما أخلي نفسي أوصل لمرحلة أكون فيها مضطر للصمود .. فغالبا ما أتراجع وأنسحب من البداية وأبعد عن الشر وأغنيله .. وأعمل الي أبغاه من غير ما أكون قدام تحدي المواجهة ..
- بصراحة ما قد حسيت اني في مشكلة لوحدي بسبب تخلي الناس عني ..
ما أحب أتكلم عن مشاكلي أصلا .. فعشان كدا ماأعرف اذا الي حولي ممكن يبتعدوا عني لما أكون في مشكلة والا لا .؟
ما أحب أطلب المساعدة من أحد بصفة عامة
الحجاج
|
|
|
|
|
|
|