قابلتني والرقم معها تمدّه = واحرجتني والحفل كله قرايب
شدّ كفي قلت تكفى لا تهدّه = دام كفي ماتعلق بالذوايب
ارتعش منها الخفوق بلمس يدّه = مامشت بالشمس مع لفح الهبايب
خانها التعبير باين مستجدّه = من خجلها الورد فوق الخد ذايب
سلهمت بالرمش من زود المودّه = تطلب التسجيل في كشف الحبايب
كل نظرة تاخذ القلب وتردّه = وكل بسمة زوّدت فيني لهايب
من نعومة شعرها محد ٍ يكدّه = إنتثر يشبه هماليل السحايب
هزّ جسمه واعتدل كنّه يشدّه = وانطوى مثل الورق بيدين شايب
ذوبتني خصلتين ٍ فوق خدّه = ياصلاة الزين يادنيا العجايب
نبض قلبي زاد من يقدر يعدّه = يالطيف الروح يكفيني مصايب
استلم سيف الزعامه مين قدّه = ليت منهو عن حضور الحفل غايب