مرحبا.........

اسمحوا لي إن أكتب اليوم موضوع من واقع نتلمسه بحياتنا اليومية .. واقع لا ينكره أي شخص منا
وأسمحوا لي إن أستغرب كثير هذه التصرفات ما ابي اطول عليكم بالشرح النقاط راح تكون كافية ان انتم تعرفون سبب استغرابي
قبل الزواج بفترة الخطوبة

1 / تذكر وشلون كنت عند ( ما) تنتظر مكالمة مهمة جداً بذاك الوقت
2 / تذكر وشلون كنت تسرع إن قالت لك تعال ابيك تودني مشوار
3 / تذكر وشلون كنت جنتلمان تنزل من السيارة وتفتح الباب وتسكر الباب وتنتظرها بالساعات لين ترد ثاني
4 / تذكر وشلون كنت يوم تنزل انت وهي للسوق وهي إن ناظرت .. وركزت نظرها بشي غير ال اشتريته لها .. وشلون بعد عودتها للبيت انت ترد للمحل وتشتريه لها وتخله مفاجئة لها
5 / تذكر وشلون كانت أمانيها أوامر
6 / تذكر وشلون إن طلبت منك وردة تجيب لها ورود
7 / تذكر وشلون كنت تقص قصة حياتك بكل يوم تكلمها وهي المسيكينه تسمع لك بكل سعادة
8 / تذكر وشلون كنت يوم تشوفها بقميص ونت تمدح وكنه فستان فرح

بعد الزواج

1 / يرن التلفون ونت مع اصدقائك .. نقول انك رديت وش يكون ردك ..؟ وش تبي اللحين مشغول
2 / إن تبي تطلع وياك مع العيال تتمشون سوى .. ونت وش تساوي تنادي ( يا حبيب الله ) قم .. قم
لا بارك الله فيك انا جايبك عشان تنام قم ود العيال وامهم للحديقة
3 / ايه هي المسيكينه تنتظر تفتح لها الباب ونت رايح بمكانك وراكب للسيارة وتقول لها اشفيهم ادينك مكسرين ما تقدري تفتحي الباب .. واسمعي عدل وزين ترى ما فيني انتطر اكثر من خمس دقايق
4 / اللحين وش تبي بالسوق كل شي عندك يالله خلك هذا غالي هذا شين هذا ما يصلح
5 / واللحين تحطمت كل امانيها حتى رجاويها تنرمي بعرض الحائط
6 / يادوب ان تبي تتكلم ترد وتقول ( ايه ) او ( لا ) المسيكينه صارت تكلم روحها ..
7 / وش هل اللبس ال لابسته ابد موب لايق عليك

سؤال / ليه ان كنا نبي شي نقتل روحنا ونظهر ابداعاتنا ومهاراتنا ويوم نحصل عليه يصير رخيص وماله ثمن .. ؟؟

اخوكم
الهاجر