باح الخفوق اللي من شوق محـروق ,,,,,,,,,,الشوق حـراق وقسـا البعـد حـراق

يازين مادام ان اللقاء شبـه موثـوق ,,,,,,,,,,والله ان اجيك ولو على قطع الاعنـاق

باجيك ابي حق واوفـي لـك احقـوق ,,,,,,,,وموكـل امـري علـى خيـر خـلاق

يسوقني لك حسنك اليوسفـي سـوق ,,,,,,,غيرك بعيني مـن الغناديـر مـا لاق

جيتك وانـا قدامـي وخلفـي بـروق ,,,,,,,وفي العين برقـك مايضاهيـه بـراق

عطني علومـك يابعـد كـل مخلـوق ,,,,,,,,,عساك ماعانيت مـن حـر الاشـواق

ودي نعيـد اقلاعنـا الاولـي فــوق,,,,,,,,,على بسـاط الـذوق ونـزور الآفـاق

ياذوق يانبراس مـن يزعـم الـذوق ,,,,,,,,ياأحلا المذاق اللي من الصعب ينـذاق

كم حسن منطوقك زرع حسن منطـوق ,,,,,,,,ومن حسن خلقك تقتبس حسن الاخلاق

ياكرم حبيب يجهـل الغـدر والبـوق,,,,,,,,,,يابو الحنان اللي كمـا النهـر دفـاق

لاشفت وجهك والشعر منـه مفهـوق ,,,,,,,,اشوف ليل تلبسـه شمـس الاشـراق

ولاشفت نظرت عينك اللي بها تـوق ,,,,,,,اشوف توق الحـر الاشقـر اذا تـاق

حبـك بقلبـي ماكـن بكـل معلـوق,,,,,,,,,,ينساق في جسمي مع الدم لا أنسـاق

حبـك بصنـدوق حفظتـه بصنـدوق ,,,,,,,مخفية من الحساد في عمق الاعمـاق

من الصعب لو ماشوفك ارتاح واروق ,,,,,,,,,أعيش في ضيق وهواجيس وارهـاق

كل الحبايـب باللقـا تطفـي الشـوق ,,,,,,,, وأنا انظر بوجهك واحس اني اشتـاق

والله لو لا وضـع اقشـر وممحـوق ,,,,,,,, لا اغرق بنهر الوصل يباس الاريـاق


الشاعر مدري وشسمة