ينجرح قلب.. لكن ترتفع هامه = والله اني لـ ..اموت ولاانحنى راسي
لو رماني زماني وسط..دوامه = العواصف شديده .. والجبل راسي
أنقل الحزن وامشي منتصب قامه = قاسي الوقت .. لكني بعد قاسي
واسمع الحلم يصرخ لحظه اعدامه =رابط الجاش ... ماهز الخبر باسي
عزتي غاليه ..والناس سوامه = قلت ما بيع حتى تقطع انفاسي
زانت ايام عمري .. شانت ايامه = مارجيت العزى من رحمة الناسي
من عجز لايدوس الهم باقدامه = لازم انــــه مع الايــــام ينــــداسي
يندمل جرح قلبٍ ..ماتت احلامه =بس ما اظن يبرى جرح الاحساسي
يوم صارت مابين القلب والهامه = وش ابي بالحياة ليا انحنى راسي
...
..
مساعد الرشيدي