منتديات الوئام - عرض مشاركة واحدة

19 / 01 / 2008, 38 : 03 AM

.
.
.

أعضاء خلف الكواليس 2008

.
.
.

المقلب مع وافي مصيبه
خصوصا انه معاه لوحة التحكم يمكن يكفش اني شروق هانم..
قلت انتظر وقت يكون مزاجه رايق علشان ارسل
اخاف يكون معصب يقوم يحوس باللوحه

اليكم ماحدث
كتبت رسالتي الاولى


	المشاركة الأصلية كتبت بواسطة ؟؟؟


	السلام عليكم لو سمحت قريت لك قصايد واعجبني بساطة اسلوبك فممكن اطلب بيتين عالسريع ضروووووووووووري مررره ابيهم الليله وجزاك الله كل خير


	المشاركة الأصلية كتبت بواسطة wafei


	وعليكم السلام ورحمة الله وبركاته اشكر لك اطراءك ونسأل الله ان يجملنا معكم اختي هل لي ان اعرف المناسبة التي سينظم بها هذين البيتين ليتسنى لنا المحاولة ؟

وش المناسبه ياشروق؟؟
ممممممممممممم
رجعت كتبت


	المشاركة الأصلية كتبت بواسطة ؟؟؟


	اشكر لك حسن ردك استاذي صار خلاف بيني وبين وحده من البنات وانا احبها مووووت موووووووووووووووووووووووووت وزعلها يضايقني وحلفت اجيب لها شعر اراضيها فيه مو منقول ابغى شعر مكتوب لعيونها ومشكور


	المشاركة الأصلية كتبت بواسطة wafei


	استغفر الله فتاة تحب فتاة !! معاذ الله ان اكتب في ذلك شعراً لحظة لحظة انتي ليه تحبيها ؟؟؟

ههههههههههههههههههه
ياشين اللقافه
بس الابيات حلوه تستاهل انا غامرنا علشانها

ممممممممممممممممم
ليش تحبينها ياشروق؟؟


	المشاركة الأصلية كتبت بواسطة ؟؟؟


	هي طيبه وحبوبه وقلبها زي الحليب بس المشكله انها ولعه يعني حريقه مدري وش تقولون لها انتم يعني حرك تبلش واي شي ينرفزها ..اذكر مره من المرات مااعجبها ردي مع وحده ويوم كامل ماترد على اتصالاتي عاد ولو انها غثيثه لانها اذا جينا نتناقش مين صح ومين غلط تكسفني وتقول خلاص طيب حقك علي انا اسفه وانا اصلا ماابيها تعتذر فتبتر الموضوع من اساسه ويبقى بقلبي شي واتوقع انها مثلي


	المشاركة الأصلية كتبت بواسطة wafei


	ياسبحان الله ايه طيب قولي لحبيبتك : جيت اعتذر لك كان في حقك اخطيت ........................... وانا بشر ومعرضٍ للخطايا ولو قلت لك آسف فلا ظني اوفيت ............................ وانت اعتبرها من دوافع وفايا وان كنت ميت قلب مايحيي الميت ............................. الا مخمس يصفعن من افايا فهمتك ولاظنتي شيء خليت .............................. ولاباقي الا لك نسوق المطايا ولو سقت لي دلتك ابد ماتقهويت ............................. لاقلت سم اقوم وازحف ورايا انته نفر خربان معلوم ؟ واوحيت .............................. قرقر كثير وباح منك خفايا وسلامتك

ههههههههههههههههههههههههههههه
عاد اقول لصديقتي مالك الا مخمس يصفعك من قفاك قوووويه
ونفر خربان هذا شي ثاني

رجعت ارسلت :


	المشاركة الأصلية كتبت بواسطة ؟؟؟


	انا اكلمك جاده اذا ماتبي تكتب لي ادور شاعر ثاني

ولاااااعاد طلة او زلة .. يحق لكم لنا الله
وسفهني الاخ نقره لعرض الصورة في صفحة مستقلة

<<يحق له بلا قلة ادب

أعضاء خلف الكواليس 2008

.
.
.