وضـع انـتـظــار !
ايه داري ! تحسب اني مادريت
وكل شي واضح وضوح النهار
قصدك من الغيره تقول انعميت ؟
أي غيره ! هذي اللي من الصغار !
وتزعل اليا جاني العلم وحكيت !
وان لزمت الصمت شب القلب نار !
وكل ماشفت اني اقبلت اختفيت
وان زهمتك كني ازهم للـ...!
لكن
شفت اذا ماشفتني قبّه وبيت
ماني بشايفك يالغالي مـــزار
بتزعل ازعل بس عمرك مارضيت
صعب صعب اقولها لك باختصار
لأجلك اغلى شخص بالخافق بنيت
بيـــــت دون رضاك بيعــــود دمار
مو هزيمه أو لنفرض وانثنيت
الهـــزايم في بعض حال انتصار
المهم !
ان نويت تروح يعني لو نويت
اعرف انك شمس وعيوني مدار
واعرف انك كان قررت ومشيت
بتنقفل في وجهك ابواب المطار
لكن طعني
وخـــــــذ تـذاكر عودتك لو مالقيت
حجز تلقى القلب في وضع انتظار
وكان للعودة تكابرت وقويت
وكــبريائـك أيَد لبئس القـرار
فأنت عاد اللي على روحك جنيت
وأنــــت من يسعى لتخـريب الديار
البـــلا انك بعت لي والا شريت
قلبي المشغول في وضع انتظار
وافي ،،