اذا سمحت اضغط هنا اضغط على اللنك
.................................. وبشويش طل وشوف حالي بدونك
شف دمعةٍ هلت على اطلال مسكنك
................................. واسمع صدى صرخات ذابت بكونك
لحظة غيابك فيني تسوي الفنك
......................................... وانته بتعذيبي تمارس فنونك
مجنونه ومجنون حبك مجننك
............................................... الله يزود بالمحبه جنونك
اعيانك اوطاني وعيناي موطنك
................................. وتفدي بروحك روح تفدى عيونك
مع ذا وذاك الحال ماهو بمحزنك !
........................................ويحلالك تمارس بقلبي طعونك
تناقضات احتاج تفسيرها منك
............................................... بعيدعن مايملينه ظنونك
ياللي علي العام ربي محننك
.................................... ماحركت صرخات قلبي سكونك
وانا قسم باللي بحسنه مزينك
.................................... اقرب لك من اهداب عينك لنونك
ولو كنت جني باتلبسك واسكنك
..................................... ووالله ماظهر قبل مايظهرونك
وابقى قرين وتقتدي في مقارنك
..................................... وتبعد عن اللي ودهم يبعدونك
مشتاق لك والله وودي اتلفنك
.................................... لكن ذكرت العهد وازريت اخونك
حاول تكلمني اذا كان يمكنك
.................................... باسمعك حاجه تحركك شجونك
ودي بشوفك لأجل اقبلك واحضنك
....................................ولأجل تشوف الحال وشلون دونك
( تخاريف )