مراحب امير الليالي ..

ردا على موضوعك ..يجب عليها ان تكلم ابنائها وتشرح لهم وجهة نظرها وياريت تقول لهم الكلام اللي بقوله الحين يمكن يفهمون ويعقلون ويبطلون انانيه ..

الام ربت عيالها وكبرو الحمد لله واعتمدو على نفسهم خلاص .. ومردهم بيتزوجون ويتركون هالام وحيده بالبيت او تتنقل من بيت لبيت وبالتالي ماتحس بالاستقرار والمراه كلما تكبر ماتحب تتحرك وايد او تتنقل وايد تحب يكون لها مكانها الخاص .. وبعدين مرد عيالها ينشغلون عنها ..بظروف الحياة او ببيتهم وعيالهم وزوجاتهم .. فافضل شي انهم يخلونها تتزوج .. مثل ما اهم يحتاجون لزوج او زوجه يسكنون لبعض ويقضون عمرهم مع بعض .. هي ايضا تحتاج لذلك ..

المراه لما تكبر تشعر بفراغ كبير خصوصا اذا كانت مهمتها مع عيالها انتهت .. كبرتهم وربتهم احسن تربيه عشان جذي يجي دورها ترتاح وتتمتع باللي باقي بعمرها .. وبعدين اهي اللي بتسويه حلال ؟؟؟ ليش الانانيه ليش يمنعونها ..

شنو احسن .. تعيش في بيت بروحها او تتنقل كليوم بين بيوت عيالها ويمكن يطلعون حريم عيالها او ازواج بناتها موزينين ويتضايقون منها ويسمعونها كلام جارح تالي عمرها ..او انها تستقر مع ريال طيب تقضي بقية عمرها معاه ..

وبالعكس هذا افضل لاولادها وبناتها بعد مايحاتونها وايد هي بذمة ريال ويهتم بتوفير حاجياتها من ماكل وملبس وسكن وغيره ولايخافون عليها بروحها بالبيت محد معاها و لو تموت (( بعيد الشر )) محد يدري عنها ؟؟!!

اذا تعرف هالناس يا امير الليالي .. قول لهم بطلو انانيه وهي ماتزوجت يوم كنتو صغار عشان ماتظلمكم بزوج ام .. ولما كبرتو من حقها ترتاح وتعيش حياة سعيده .. والمراه مهما بلغت من السن تحتاج ان تشعر باهتمام وحنان زوج يراعيها ويهتم فيها ولا تنسى انها فقدت هذا الاهتمام مبكرا (( بموت زوجها وهي صغيره )) .. وكذلك ماننسى دور الابناء بعد ..