منتديات الوئام - عرض مشاركة واحدة

27 / 07 / 2001, 50 : 11 AM

.........
...

جاني جوابك واخذ رد لجوابك
==== ومقــبول ماجا مــــنك ياسيد الاحبــــاب
ياجارح قلبي بقسوة عتابك
==== ارجــوك تكــفى منــك ماتحــمــل عتاب
الى متى تجرح وتنسى صوابك
==== والجــرح الاول بالحـــشا مابــعـد طاب
والله لو جرح بقلبي سطابك
==== لابيــع روحي لاجـــل ادور لك اطـباب
ارفق على قلب شقا واشتقابك
==== ومنك اشتكى هجره وبالشوق لك ذاب
ان غبت ناجى صورتك في غيابك
==== وبغيبتك كـل الــملا حــــوله اغـــراب
وبسمة زمانه لو يطيب اللقا بك
==== وبـك كل جـرح في سنــين الشـقا غاب
طال انتظارالقلب يرجي سحابك
==== يرجي ســـحاب بــيـن صادق وكــذاب
جفت عروق القلب ينظر شرابك
==== عسى الرجاء يامـنــية الروح ماخاب ؟
اطرد ودون الماء غرقت بسرابك
==== وانا علــى لامـــاك لـلـمــوت مـاهاب
موتي دنا واشكر لحضرة جنابك
==== ويكفيني انك سـاكــنه بــين الاهـــداب

.....

المعذرة
وليدة اللحظة
اللي يبغى يعدل
او يضيف
يتفضل
ماعنكم الا
حـــــــــلالكم نقره لعرض الصورة في صفحة مستقلة