السلام عليكم ورحمة الله وبركاته
تحيه طيبه ابعثها لكل اعضاء هذا الصرح
واشكر الاستاد حسن المحمدي على دعوتة
ولكم احترامي
بعد ذاك الغيـاب وكثـرة التهديـد والحيـره=بعد ذاك الغرور وكلمتـك ارجـوك تنسانـي
قسيتي لين قلتي لـي مكانـك قـل تقديـره=بعد ما شافتك عينـك وقلتـي لـي ترجانـي
وجيتي والندى واضح علـى خـدك بتأثيـره=حدود المعركه بانت اليـن الشاطـي الدانـي
اشوف الآه في وجهك وشي اعجز بتصويـره=ابد ما كان في بالي تجين بوقـت. هجرانـي
اشوفك واعتقد انـك كتـاب اعجـز بتعبيـره=لسانك اختفى مادري علامـه ويـن ودانـي
نعم شفت العناء والهم واضح قبـل تفسيـره=عزيز القوم بعيونك رضخ لـي مـا تعادانـي
عبوسة رسمة حجاجك عليها شبه تكشيـره=نسيتي يوم ناديتك وانا اللي كنـت. وحدانـي
واقول بنبرتي حسره ابيـك لدنيتـي. سيـره=وقلتي ما ابي قربك ترى غيـرك تمنانـي ؟
افكر والفكـر حايـر وعقلـي مـل تفكيـره=تبيني بعد ما غيرك بدالـك صـار يهوانـي؟
لوانك وحدك بديـره وانـا اسكـن بهالديـره=اصد وما ابي قربك اخاف المـوت. يصلانـي
تعبت الكذب والتمثيل تعبت الخـوف والغيـره=انا وش حدنـي عنـدك ودمرنـي واعمانـي
انا الصقار في دربي ولكن ما رجـع طيـره=وكيف احب لي طيرٍ الوح لـه ويجفانـي ؟؟
فمان الله يا انتـي عشقتـك طفلـه صغيـره=ورحتي ثم رجعتي لي واقول اشوف لك ثاني ؟