لو غنيّ المال إحساسه فقير=والله ثم والله مايفيده غناه!
والعمر وإن طال تاليته قصير=وكل مانكبر .. تعلمنا الحياه!
صبحنا أبكم .. وممسانا ضرير=وقتنا قاسي .. وملحقنا عناه!!
وجهلنا طاغي .. وتأثيره كبير=واصل في العقل لآخر منتهاه!
وحلمنا زايف .. وواقعنا مرير=وفكرنا طاير .. وطيّرنا معاه!
والخيال اللي نقلنا للأخير=من جهلنا .. ماعرفنا مبتداه!!
نعترف بالحب .. لكن مايصير=نعترف له بالوفا .. ونشكر وفاه!
آه صار الحب لعبه .. والضمير=ميتٍ .. مايوم كفّر عن خطاه!!
والورود اللي يحركها الأثير=إذبلت .. والغيم سافر من سماه!!
كل ورده فارقت معنى العبير=وكل غيمه شحّت بوصل المياه!
وكل دمعه هلّها منّا النظير=كاذبه .. والقصد شدّ الإنتباه!
وكل ضحكة فم منظرها يثير=خادعه .. صفرا .. تزيّنها الشفاه!
رغم هذا .. باقيٍ بالدنيا خير=والمرض وإن طال بنحصّل دواه!
كم غنيّ إحساس .. وفراشه حصير=وكم كبير شعور .. في أول صباه!
وكم فتىً للحب صاين مايسير=في دروب التيه .. ولازلّت خطاه!
وبالنهايه .. أسأل الرب الجدير=بالثنا .. رحمته وعفوه مع رضاه
هو غناتي .. وذكره البدر المنير=لاأظلمت دنيااااي في كل إتجاه!!!
كلمات ليست كالكلمات
أبدعــــــــت ياسبيعي
سلمت يداك ياسبيعي
كلك ذوق
...