الكلمة اللي وارده دون مفتاح = وشهو ترى يافلان فيها تظـــــــنّه!؟
ياكثر ماتتعب وراها بالالحاح = تطرد ورى مصدر علـــومٍ محـــــــنّه
والعاذل اللي هرجته سمٍ اذحاح = يبقى عليها مقيـــــــدٍ .. بالأعــــــنّه
والا ترى العاذل له السان جرّاح = والاتقل دابٍ مشى السم ســــــنّه
ربيع قلبه طعنة الظهر برماح = اشره على اللي يسمع الهرج مـنّه
يمشي مع الميت .. وله هو ذباح = يالله عسى مثله علومــه لفـــــــنّه
ومن لاثنى في مقافه لووقف طاح = بين الغلط والصح كنّـــــه..وكـــــنّه
ودك بعيدٍ عنه لايزيدك اتراح = أبعد من الكفّار عن ريـح .. جـــــــنّه
حتى يميّز كيف ينصع بالارواح = أبو لسانٍ كل عمـــــره .. يســـــــنّه
واللي يفرّق شمل الاقراب سفاح = ودك بحد السيف راسـه ..تقـــــــنّه
والا من أعلى قمة (إفرست) ياصاح = تجيبه اقدار الزمـــــن .. يطرحـــــــنّه
حتى براكين الألم منه ترتاح = ويرتاح منه الخلق.. إنسه وجـــــــنّه
عابر الشوق
.