القلب بالله ياطير الغلا طربَه


يَمه ورد السلام وبلغ الغالي


خذ خاطري واشرحه وإلا تعذر بَه


يمكن يحس بغلاه اللي نحل حالي


خله يشوف الجروح الي تناثر بَه


من عام الأول يتامى مالهن والي


مليت من سكة الأحزان والكربة


والهاجس اللي على الطاري يورالي


ودي أعيش العمر يا طيري بقربه


يا شينها وإن قضيت العمر بلحالي


سلم على ( ........) واحذر لا تأخربه


القلب رده إذا عاهدك بوصالي


إن ما حصل وش علينا الغربة... الغربه


وش عاد لو صفحة الأيام تصفالي


شوك الجفا يجرح الي يمشي بدربه


وإنا وطيت الجفا والقلب ميالي


كلن مصيره يموت ويسكن التربه


معذور يا طير غرد بالخلا الخالي