السلام عليكم ورحمة الله وبركاته ..


المعذره على القصور ..

اووووووووو .. بسم الله

____________________



..

عند مشاهدة المنظر ... واتجاه انظار القتله الى الشباب ..

في هذه اللحظه ادت الغده الفوق كلويه مهمتها على اكمل وجه ... وقامت تفرز من هالادريالنين (ما ادري الاسم صح او لا .. بس مشوها:D)..وهو الماده اللي تعطي البشر طاقات خياليه وعاده تفرز عند الخطر ..

طبعا الليمو كان ظهره للشباب .. واضطر انه يرجع بالريوس .. مما اعطى الشباب فرصه بضعة ثواني ...

عاد الا يا موفرين الثواني هذي .. ما تشوف الا غبره ... فووووووووووووو


طبعا بعد ما مشو شوي ودخلو شارع فرعي ..وقفو ياخذون راحتهم .. ويلقطون انفاسهم ...


لمسات(يتنفس بصعوبه): شباب اشهدو علي .. حرام علي الدخان بعد اليوم .. شوفو الكربون اللي يطلع .. الواحد ما يقدر يمشي خطوتين الا وهو تعبان ..

لاست: تعبان والا حيّه ..

(نظرات استغراب تشخص اليه بضع لحظات .. ثم تسفهه وتنشغل)

المسافر: يا رجال انت خلنا نطلع من هالمشكله احياء بـ ..

لاست: احياء والا حواري ..

(نظرات فيها ريحة شر .. وانذار ثاني ... ولاست مو يم البشريه سارح بعيد)


ساسا : شباب .. احمم .. مو كأننا نسينا حاجه .!!!!

المسافر ولمسات في وقت واحد : ايييييش !!؟؟؟؟

ساسا : السياااااااااره ..:O

المسافر::O

لمسات:O

لاست: شباب ما تحسون انه انلعب علينا بالحساب .. حسبو علينا ريالين زياده .. المفروض ثلاث وخمسين .. والمسافر دفع خمس وخمسين ..

ساسا (نزل العقال ورايح للاست): حبيبي لاست تعال بقول لك على سر ..


المسافر (يمسك ساسا): هد اعصابك يا رجال ..

لمسات: يا ناااااااس انتم وش فيكم ما تشوفون المصيبه اللي حنا فيها .. خلونا نطلع منها اول ..

(طوال هذه الفتره .. كانو في زاوية زقاق مظلم (ما ادري وش معنى زقاق بس دايم يقولونها بالقصص .. الظاهر شارع صغير :D)..

فجأه ... دوووووف ... اضائه قويه ...

!!!!

يلتفتون مره وحده .. وهم يحاولون يخففون قوة الاضائه بيدينهم ..


لمسات (بصوت مرتعد): مين .... مين انت ... وش تبي ..


(مجهول): ههههههههههههههاااااااااااااااااااااي ..


تككك تككك تككك تككك ..<=(صوت الركب .. صدقوني والله ياهو صوت .. طبعا مع بعض الالحان من الاسنان .. انواع الخوف)


المسافر: شفيك تضحك .. هاه .. شفيك يا جبان .. تعال هنا و واجهنا مو تكلم من ورا الاضواء(متأثر ابو الشباب بالسينما)

المجهول: ننييههههههههاااااا.. خلاص طال عمرك .. انت روح وخلهم لي .. ابي اتدرب عليهم شوي .. تعرف من زمان ما ذبحنا احد ..

الليمو .. يدق ريوس ... ويمشي ..


على النور الضعيف الباقي .. يشوفون الشباب واحد .. لا مو واحد .. اثنين .. لا والله واحد .. بس حجم عائلي من جد .. شي ما حصل ... جدار ..

لمسات : الله ينكبك يا وجه النكبه .. ورطتنا .. يالمسافر شوف وش سويت فينا .. انا وراي كومة لحم ..

ساسا: المسافر لا تناظرني .. ولا كأنك تعرفني .. ترا اذا سألني .. بقول ما اعرفك .. انتبه لا تفضحنا ..


لاست: افاااا بس يا قليلين الخاتمه .. جحدتم خويكم بهالسهوله .. ولا كأن بينكم عيش وملح .. كأن ما بينكم فول وطعميه (وين صايرين مصاريه):d

استحو الشباب شوي ..

لمسات : صدقت والله يا لاست .. معاك حنا يالمسافر لا تخاف ...

ساسا: اعذرني اخوي .. ودام الموت واحد . نبي نموت ابطال .. واوفياء ..

المسافر .. هذا العشم فيكم يا شباب .. قدها وقدود ..


وترتسم على سنان لاست هوب المسوسه ابتسامة الرضى .. (مع تحيات المراعي.. او الصافي والله ما ادري ناسي:D)


شوي ويتقدم ذاك اللي كأنه جدار .. بخطوات متثاقله .. و الصدى يردد صوت خطواته كأنه يحتج عليها ..

والاصوات مجتمعه .. مع المنظر الجميل .. والاضائه الخفيفه .. اعطى جو شاعري اكيييد الجميع يعرف وش اقصد ..

حتى الملابس بدت تصير رطبه .. احمم ..:D



وقف قريب مننا ..

المجهول (بصوت خشن كأنه منشار): هاه يا شاطر انت واياه .. مين اللي تكلم وكان يبيني اجي له ..

تقدم لمسات وجا امام المسافر .. (والله الولد خوي صدق ..)

لمسات: وش تبي مننا انت .. حنا ما سوينا شي ..

المجهول: يعني انت اللي تكلمت .. نننننننييييييههههههههاااااا

يتقدم الان ساسا .. في محاوله لحماية صديقه ..

ساسا: قال لك الرجال وش تبي .. ومالك دخل باللي تكلم .. ابعد وخلنا نروح نرقد ورانا دوامات بكره وشغل من الصباح ..

في هذه اللحظه .. تثار جميع المشاعر المكنونه في نفس لاست ..

المجهول (يصرخ باعلى صوته حتى ان المباني اهتزت):لا تخافون على العمل .. بعطيكم اعذار رسميه مدى الحياه .. نييييييييييههههااااااااا

(تخيلو المنظر معاي .. الاخ اللي كأنه جدار(يعني حيطه بالمصري).. قدامه ساسا .. وخلف ساسا لمسات .. وخلفهم المسافر .. وبالاخير لاست .. وطبعا هم في زاويه .. والاخ المجهول مسكر المخرج عليهم)


طبعا بعد المقطع الاخير اللي سمعه لاست .. تغيرت نظرته شوي ..

وصار من الخلف يغمز للمجهول .. ويأشر على المسافر .. ويحرك شفايفه (هـ..ذ..ا).


المجهول(بعد ما انتبه لي وناظرني): هههه .. شكله فيه واحد بينكم على الاقل يبي يعيش ...

الشباب كلهم التفتو .. ولاست ما امداه ينزل يده ..

لاست(يلوح بيده في الهوى بطريقه خاصه): ياخي غريب الذباب حقهم اللي هنا .. ما يروح بسهوله... لزقه ..(على باله يصرف هو و وجهه)


فجأه .. تحولت عيون اخوياه الى جمرات .. نظرات ناريه تنظر اليه ..


وفجأه .. ثلاثتهم طبو على المسيكين لاست

وخذ يا ضرب .. لكن لاست كان يدافع ببساله منقطعة النظير :D


ويقوم مره .. ويطيح مره .. ويقاوم مره .. ويتخاذل مره ..


فجأه .. توقفو كلهم دفعه وحده .. !!!!!!!!


وكان المجهول يتابع الاحداث .. واستغرب هذا التوقف المفاجئ


لاست يصرخ: يالله شبااااااااب ...


واخيرا انتبه المجهول للعبه .. لقد خرجو من الزاويه .. واخذو يركضون بكل قوتهم ...


وبكل غضب الدنيا .. صرخ من اعماق الحقد اللذي تولد في نفسه ..

المجهول: لااااااااااا .. سأنتقم منكم ايها الجبنااااء (يقولون انه كان يتابع افلام كرتون كثير يوم كان صغير ..:D)

..

وهم يركضون في الممر الضيق .. ومن لا مكان .. ومن العدم .. فجأه ..


تعترض الليمو طريقهم وتقفل الطريق امامهم ..واصبحو بين فكي الرحى ..


_____________





احس اني طولت ... ههههههههه


بس يالله عاد كملو انتم ..


تعبت انا ..


شوفو لهم تصريفه وطلعوهم ..