مراحب اعزائي ..
احنا بدينا هالسلسه بتوريط البنات ولحد الحين المساكين ماطلعو منها ..
واليوم عاد دور الشباب وراح نبدى بهالخمسه (( محد منكم يزعل ترى للتسليه فقط والغشمره
)). .
والحين ..بنورطهم شوي وانتو عاد كيفكم بتطلعونهم منها وتنهونها نهايه سعيده ولا بتورطونهم اكثر واكثر علىىىىىىىىىى كيفكم ..:D:D
والمشاركه من الجنسين .. واياني وياكم واحد يدخل ويعلق بدون تكمله لو شويه بس المهم يشارك ..
موضوع القصه .. بسم الله ..
===========
في احد الايام اتفق اصدقائنا الاعزاء المسافر ولمسات وساسا وخالد ولاست هوب على العشاء في احد المطاعم الفاخره (( لاتستانسون وايد بنكشخكم شوي بس :p )) واتفقو على الذهاب في يوم الخميس (( متوهقين الحين من راح يدفع بالنهايه
)) وصاحب العزيمه اخونا الكريم المسافر .. (( كلكم كرماء بس لازم ننقي واحد
))
يوم صار الخميس راحو العزيمه وتعشو الى حد التخمه :D واقعدو يسولفون الى وقت متاخر من الليل المطعم بيسكر ومابقى الا هم دفع المسافر وطلعو .. وهم طالعين سمعو اصوات غريبه خلف المطعم راحو يتحرون شافو شي غريب ..
واحد واقف بيده مسدس ويصارخ على ريال معاه مرته وسياره لوموزين واقفه وداخلها ريال يطالع (( مو تكسي .. الليمو العوده الكشخه اللي بالافلام :D ))
شوي ولا طاخ طاخ ذبحهم .. ولما خلص .. وقفو اصدقاءنا متعجبين (( طبعا الريال ماشافهم لحد الحين )) يوم صحو من الدهشه .. قالو خلننحاش قبل لايشوفنا ..
توهم بيتحركون كان يتعثرخلود ويطيح ساسا فوقه .. سمع القاتل الصوت لف ويهه شافهم صرخ ..
شهود شهود ..
لحقهم الليموزين وهم يركضون .. ويصرخون .. رحنا فيها رحنا فيها كله منك خلود ..
===========
الحين قاعدين يركضون ووراهم القاتل شبيصير عليهم .. يالله كملو :D
=========
سويناها بوليسيه بعد شتبون ..:D