الأخوة والأخوات الكرام

صباااااح الخير

اخترت لكم هذه الابيات للشاعر أحمد رامي
وغناء كوكب الشرق
ارجو أن تنال إعجابكم

جددت حبك ليه ................... بعد الفؤاد ما ارتاح
حرام عليك خليِّه .................. غافل عن اللى راح
الهجر وانت قريب مني .......... كان فيه أمل لوصالك يوم
لكن بعادك ده عني ............... خلى الفؤاد منك محروم
يا هل ترى قلبك مشتاق .......... يحس لوعة قلبي عليك
ويشتعلل النار والأشواق ......... اللى طفيتها انت بإيديك
أنا لو نسيت اللى كان ............ وهان على الهوان
أقدر أجيب العمر منين .......... وارجع العهد الماضى
أيام ما كنا احنا الآثنين ........... إنت ظالمني وانا راضى
صعبان على أقول لك كان ...... والحب زي ما كان واكثر
وافكر بليالي زمان .............. واوصف في جنتها واصور
إنت النعيم والهنا ................ وانت العذاب والضنى
................ والعمر إيه غير دول ...................
إن فات على حبنا ................ سنه وراها سنه
................ حبك شباب على طول

إنت اللى فات بنعيمه وراح ........ وساب لي طيفه في خيالي
أسهر معاه الليل سواح ............. عايش على العهد الخالي
وانت اللى فات بضناه وشقاه ....... وساب لى ناره في ضلوعي
إن مر ع الخاطر ذكراه ............ تنزل من الوجد دموعي
يا اللى قضيت العمر معاك ........ أرضى جفاك واتمنى رضاك
إنت النعيم والهنا ................... وانت العذاب والضنى
................ والعمر إيه غير دول .....................
إن فات على حبنا .................... سنه وراها سنه
.................. حبك شباب على طول ..................

يا اللى هواك في الفؤاد ............ عايش في ظل الوداد
إنت الخيال والروح ................ وانت سمير الأمل
يجي الزمان ويروح ............... وانت حبيب الأجل
وازاي أقول لك كنا زمان ......... والماضي كان في الغيب بكره
واللى احنا فيه دلوقت كمان ........ ح يفوت علينا ولا ندري
ولما اكون وياك .................. هايم في بحر هواك
ما اعرفش إيه فات من عمري .......... إن كان رضا أو كان حرمان
وافضل وبس انت في فكري ............. يا اللى أحبك زي زمان
-
-
مع أجمل تحياتي