منتديات الوئام - عرض مشاركة واحدة

24 / 12 / 2002, 30 : 10 PM

..........

...

ليل ودهر جرح وقهر وانفاس ضاق بها المكان

ذابت مجاديف السهر بالعين مير الله يعين

للشمس نار وللقمر نيران في قلب الزمان = تحرق لمكنون الحيا والله يعين المستحين

جروح من صمت الجروح الحانها ياليلادان = تبوح وش هو له تبوح وبوحها صوت الانين

احضان يرفضها الدفا واحضان ترفض للحنان=يمين تعطي للشمال وتقطع ام ام اليمين

ماحدٍ درى واللي درى لو هو درى لاهي بشان = من شان شانه مايهم البحر لو يصبح طحين

ماعاد لي بالسرج خل السرج يلحق بالحصان = من عقب ماامسى غارق بدمه ومقطوع الوتين

ياعود بان اللي بنى واللي هدم للبني بان = واللي زرع زرعه جنا وش عاد باقي وش تبين

ان كان حضك خان مرة حظي العشرين خان = واصبر ولو الحظ خان ايام وشهور وسنين

وبرغم ذا اقول اذا لك خاطر ببر الامان = هذي عيوني والفؤاد وكلها شوق وحنين

رغم الدموع ولاجلك اشعل شمع باطراف البنان = دام الخبر ماهو صحيح انهيت شكي باليقين

ياغربتي هذا جواد الريح وآمالك عنان =ولاضاقت الدنيا على من قال ياربي تعين

لاتندمي وتقولي اللي راح واللي كان كان = لازال باقي فيك خير وفيه ناس خيرين