ياللي شكيت الهم تو اليالي... ماورتك منها بعض مانشوفه

ياليتك باليله تجرب بدالي ...وتحس وش مهنى الصبر والكلوفه

يقولها لك منصح لك وغالي ...عنده وليتك تعتبر من حروفه

ياخوي دنيانا مشت ماتبالي... والادمي فيها من خذ النفس خوفه

جربت فيها لين حظي نوالي... اقبل من التجريب حق النكوفه

عن كل درب فيه يصغر مجالي ...وعن كل طفق والرجال معروفه

توي بديت افرق واميز وابالي ... وبذلت جهدي يوم زانت ظروفه

خذها نصيحة قلب مالك ومالي... الاانت والقدرات والي تشوفه

وعليك حمل ثقل وزن الجبالي ...الله يعينك تشيل زوفه

الوالدين الكاملين الثقالي... لولا فضايلهم ترانا طروفه

لولاهم انـــا مانسوا الريالي...الي كسونا بجهدهم ومعروفه

يارب ياسامع رجاي وسوالي ... وفقني لتحت القدم في وقوفه

واغفر خطايه وانت اعلم بحالي...وقصدي ونياتي ونفسٍ عيوفه

في ماعملت اول وناوي تالي...خلك معي يارب منك النكوفه


.................................................. ....................................سعود بن بندر

هلا وغلا اسفرت وانورت واستهلت وامطرت..........
وينك يالغاليه لنا مده ماحترقنا واليوم عز الله انشوينا

بالله ياشمس العصر لاتغيبين
الغيم والورده والمنتدا كله لك محبين
متى على خير وسلام تعودين
ميعادنا باكر بجديدمنك يحرق